聘珍樓

營業中

休息中

朋友聚會，四個人食晚餐。網上先訂位，不過其實全晚都有空枱，Walk in都冇問題。叫咗一個$888龍躉靚湯套餐：廚心煲靚湯個湯係紅蘿蔔粟米瘦肉湯，幾鮮甜。冰梅欖豉骨排骨應該有炸過外脆內軟幾特別，調味酸酸鹹鹹好惹味，全晚最出色係呢味餸。蟹肉扒田園蔬蟹肉份量夠，可惜唔夠鮮味。枝竹炆龍躉腩煲龍躉骨多肉少，不過枝竹都炆得幾入味。蒜香脆燒雞燒雞皮都夠脆，不過蒜香味再強啲就更好蔥花叉燒粒炒飯炒飯偏乾身，飯粒較硬，水準一般。甜品只有最普通嘅紅綠豆沙選擇，煲得夠火候，唔會太甜。整體總結食物不過不失，不過服務唔錯，坐咗成晚都冇催人走。