28
28
20
| 餐廳: | 聘珍樓 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
聘珍樓1887年在日本橫濱的唐人街創立，有超過120年歷史，是日本歷史最悠久的中菜館。聘珍樓集團於1987年進軍香港，走高級路線，提供精緻小菜，1992年開設了名都酒樓，名都酒樓提供點心午餐和宴會，可容納1300人。
繼續閱讀
營業時間
今日營業
09:00 - 15:30
17:30 - 22:30
星期一至日
09:00 - 15:30
17:30 - 22:30
公眾假期
09:00 - 15:30
17:30 - 22:30
以上資料只供參考, 請與餐廳確認詳情
食家推介
招牌菜
食評 (97)
#20250606 🤍📍 #聘珍樓 @hk_heichinrou 鑽石山龍蟠街3號荷里活廣場2樓208號舖 🍽️觀塘觀塘道392號創紀之城六期6樓➖➖➖➖➖➖➖➖➖➖➖➖➖➖➖➖➖#茗茶 $18/位💭 成廿蚊位茶錢然係再加一已經唔係用平唔平去講，直頭係貴！淨係呢啲加加埋埋都夠出去酒樓叫返隻龍蝦食，雖然埋單有送一疊coupon，但張張有最低消費，除非係fans唔係真係冇咩實質意義😅.#馳名片皮鴨 #兩食 $488/隻💭 燒到外面係少少黑，控制到岩岩好，係脆皮既最佳時機所以都幾好食，上枱前個店員姐姐有將完整既鴨show出尼然後即席切片示範刀法，有野食有表演睇🎭但後悔叫左二食，因為想問佢拎隻鴨髀食，點知話隻髀要整二食，之後出尼個生菜包其實只係一堆肉碎，完全唔需要用到鴨髀，真係極懷疑被人偷走左🙃另外成5舊水一隻鴨算係性價比好低，相信可以去出面食一樣質素但唔使比咁多錢囉🦆.#鮑魚龍躉套餐 #六位用 $2080 🥢 #玫瑰炭燒肉 💭 望落肥瘦均勻，食落都幾厚身好肉，味道正常啦，最大問題係呢個明明係頭盤，個menu既第一道餸，但竟然係食完炒飯先上枱，食到半飽先見到佢真係被殺個措手不及🐷. 🥢 #金磚脆豆腐💭 雖然望落好簡單既菜式，但有時越簡單越考功夫，呢個豆腐個皮漿炸得好薄身，大力啲夾都會散咁，椒鹽味永無伏，整得幾好👍🏼. 🥢 #廚心煲靚湯 💭 係經典既紅蘿蔔栗米豬骨湯，飲落幾清甜，係有家既感覺，仲有一大碗湯渣可以當多個餸，點豉油都幾好食，但呢個價錢飲呢個湯就唔多抵🏠. 🥢 #翡翠桂花蚌蝦球 🥢 #蠔皇遼參扣原隻鮑魚 🥢 #清蒸沙巴龍躉💭 呢啲都係啲典型去飲既菜式，全部味道都正常發揮，用料都算對得住呢個價錢，特別讚下條蒸魚，呢啲圍餐最怕蒸過龍，佢都keep到口感彈牙，係做得唔錯🐟. 🥢 #黑醋肉伴龍珠 💭 呢個餸既口味真係見仁見智，黑醋落得幾重手，離遠都聞到陣酸味，而且側邊個芋頭蟹子卷亦唔係人人都鐘意食，將兩樣野放埋一齊呢個配搭有啲奇怪🙈. 🥢 #蒜香脆皮燒雞 💭 呢個又係上左炒飯先上枱既餸，明明燒味應該好快架嘛🤔隻雞重點係個皮，整得幾好食，只係食完炒飯再食佢就真係有啲食唔落，不過好彩隻雞唔算好大，大食啲既應該都可以戰鬥到底🐔. 🥢 #瑤柱蛋白炒飯 💭 本身呢啲炒飯唔expect有啲咩料，又估唔到佢啲瑤柱幾足料，飯量亦好足，六人份量絕對夠分，炒得不錯，但略嫌佢有啲多油，唔夠乾身🍚. 🥢 #合時甜品 #鮮果拼盤💭 甜品係例牌既紅豆沙，雖然每人得半碗多，不過依家都好少可有甜品同時又有生果，西瓜同蜜瓜超甜多汁，做一餐既ending係幾滿足🍉.#鑽石山美食 #🐷在鑽石山 #觀塘美食 #🐷在觀塘 #🐷_食
繼續閱讀
聘珍樓以前是一級酒樓食材環境都相當不錯，唔知幾時變成一般街坊酒樓那都不重要，為何食物那麼難食？相信街邊的魚旦粉雲吞麵比他還好食，你們看看圖片都不需怎樣解釋 都知有幾難食。 嫩雞煨雞你見過好似麻繩咁粗嗎？湯是稀稀的點味都沒有！海蜇拌雞絲全都是雪藏雞胸肉1點味都沒有，叫經理加點麻油我還以為叫佢加上天的甘露，加兩滴，10分珍貴
繼續閱讀
朋友聚會，四個人食晚餐。網上先訂位，不過其實全晚都有空枱，Walk in都冇問題。叫咗一個$888龍躉靚湯套餐：廚心煲靚湯個湯係紅蘿蔔粟米瘦肉湯，幾鮮甜。冰梅欖豉骨排骨應該有炸過外脆內軟幾特別，調味酸酸鹹鹹好惹味，全晚最出色係呢味餸。蟹肉扒田園蔬蟹肉份量夠，可惜唔夠鮮味。枝竹炆龍躉腩煲龍躉骨多肉少，不過枝竹都炆得幾入味。蒜香脆燒雞燒雞皮都夠脆，不過蒜香味再強啲就更好蔥花叉燒粒炒飯炒飯偏乾身，飯粒較硬，水準一般。甜品只有最普通嘅紅綠豆沙選擇，煲得夠火候，唔會太甜。整體總結食物不過不失，不過服務唔錯，坐咗成晚都冇催人走。
繼續閱讀
最近與朋友聚會，首要條件要求地鐵沿線嘅食肆。今次唯有選擇鑽石山，方便搭車來回港九新界！今次朋友選擇「聘珍樓」食晚飯，十幾年冇幫襯過喇。有機會試試係咪真係咁好食，因為成日見到好多食客。點了6個小菜，分別係 ‘甜酸咕嚕肉’、‘甜豆蓮藕炒魚鬆‘、’燒味拼盤‘、‘翡翠帶子蝦球‘、‘花菇京蔥爆刺參’、‘什菇炒斑塊’。除了燒味拼盤味道一般，甜酸咕嚕肉炸漿比較厚身，食咗幾嚿都係厚漿包肥豬肉炸。其他幾個小菜味道都唔錯。飯後再叫甜品，點了紅豆沙、綠豆沙、薑汁燉奶、黑芝麻糕、雷沙湯丸。薑汁燉奶，入口超甜冇薑汁味又燉過咗火喉，燉奶內有好多氣泡嘅窿窿 ，食入口很老，真不知道製作過程是燉還是蒸；大家都係食咗一半就放棄了。黑芝麻糕，芝麻味唔濃甜度適中，黑芝麻份量應該比較少所以味道淡淡的，不過有混合凝固成份嘅粉類(例如魚膠粉或大菜之類) ；所以入口感覺有少少似啫喱或大菜糕。雷沙湯丸，賣相幾吸引。不過，入口一咬百份之九十都係糯米粉糰，只有少少嘅芝麻醬餡料，差啲以為食緊糯米湯圓。整體嚟講，食肆嘅小菜可接受。但係簡單又基本嘅甜品反而做得差，非常失望！可能平日比較少人另外叫甜品，製作上稍為鬆懈！ 但以上嘅甜品不難製作，對於街外舖頭食甜品個人係要求高嘅！
繼續閱讀
第二次來食呢間分店，九點早茶時段，不知有分段離座有折，九點半仲等緊野食，突然個女職員拎單來叫我埋，我冇叫埋單望住佢，才講十點前埋單和走會唔知平幾多，我話唔知喎，佢態度好差咁問我埋唔埋單，咁焗住埋啦，仲要埋完唔俾收據冇得儲商場積分，都唔想再叫返佢返來黑面。本身一坐坐低叫個蒸飯話冇我改叫另一個，即拎來係凍冰冰，已經覺得唔好，呢間高級酒樓來的，然後叫個齋蒸餃又作酸，開頭以為錯覺，食到最尾一隻仲酸就要求退，個男職員較好，即話換另一個點心俾我。真係差左好多。唔會再食。
繼續閱讀