影片
更多
2013-04-01
87 瀏覽
******************************是日拉麵品評：1. 博多一幸舍2. バリ男。超男BARIO3. 東京忍者******************************今日是開❤試新美食日！之前約左媽媽同佢試嘢食~應承左佢會帶佢試下啲濕口嘢同雞蛋仔~搵呀搵~諗丫諗~不如叫埋爸爸一齊三個人去Ramen Champion 試下唔同拉麵店啦！我地都未食過Ramen Champion 的, 三個人去一次過可以試多啲！爸爸話okay~yeah! 出發！我地三人行11點多12點去左恒豐中心地庫既Ramen Champion 食場！原來佢開11點半, 我地在佢剛營業無耐抵步, 我地三個人兜左一圈~未有乜客人~店員們~尤其黎自日本既店員同師傅好熱情招呼我地~又好耐心咁介紹~氣氛一級棒丫！感覺好好~好似真係置身日本既食場咁丫！ 博多一幸舍既大師傅今日最後一日駐場~明天就要番日本啦~咁難得~我地一於試試佢既手勢喲~ 聽日本店員講, 博多師傅在日本是日本拉麵比拼的no.1!! 想不到原來師傅本人睇落咁年輕同埋十分斯文有禮哩！佢耐心咁同我地講解佢既拉麵, 又笑容可恭, 真的加分加分呀
是日拉麵品評：
1. 博多一幸舍
2. バリ男。超男BARIO
3. 東京忍者
******************************
今日是開❤試新美食日！
之前約左媽媽同佢試嘢食~應承左佢會帶佢試下啲濕口嘢同雞蛋仔~
搵呀搵~諗丫諗~不如叫埋爸爸一齊三個人去Ramen Champion 試下唔同拉麵店啦！我地都未食過Ramen Champion 的, 三個人去一次過可以試多啲！
爸爸話okay~yeah! 出發！
我地三人行11點多12點去左恒豐中心地庫既Ramen Champion 食場！
原來佢開11點半, 我地在佢剛營業無耐抵步, 我地三個人兜左一圈~未有乜客人~
店員們~尤其黎自日本既店員同師傅好熱情招呼我地~又好耐心咁介紹~
氣氛一級棒丫！
感覺好好~好似真係置身日本既食場咁丫！
博多一幸舍既大師傅今日最後一日駐場~明天就要番日本啦~咁難得~我地一於試試佢既手勢喲~ 聽日本店員講, 博多師傅在日本是日本拉麵比拼的no.1!! 想不到原來師傅本人睇落咁年輕同埋十分斯文有禮哩！佢耐心咁同我地講解佢既拉麵, 又笑容可恭, 真的加分加分呀！
加上煎餃子仲做緊半價~貪吃既媽媽一聽到就即刻叫我加點na~
博多叉燒拉麵係三間裡面唯一可以選麵既粗硬度(5度),湯既濃度(3度),同埋油膩度(3度)..媽媽鐘意濃味~我鐘意少油同有嚼頭~
所以就算左第4度既硬麵~濃味同少油喲~
我地選左叉燒拉麵,其實佢選擇唔多~唔多先好~代表佢專門做拉麵！
拉麵一上好正正丫~湯味很濃很creamy既豬骨湯~濃稠得黎唔係好咸！
有我比較鐘意既喜歡既薄片瘦叉燒4塊~雖然係全瘦叉燒~但因為薄片~所以入口即化~
仲有一隻切開左既溏心蛋~好香濃丫！同埋有木耳絲同香蔥添！媽媽好喜歡喲！
拉麵既重點：麵底係用似擔擔麵既幼麵~掛湯力弱~我嫌第4度硬都未夠硬~因為麵身太幼~選超硬可以增加一份嚼頭！不過媽媽本身鐘意擔擔麵既麵條, 所以三款之中最愛哩款麵線！
煎餃子皮幾薄。我略嫌博多既餃子煎得好油~反轉上啲油由底流至餃子全身到碟面~整隻碟鋪左一層厚厚既油~而且餡料唔多~有啲空氣感在內~勝在佢個皮夠薄~煎得尚算微微香脆！整體餃子麻麻。
三間拉麵店各有特色！一次過試曬三種不同粗幼,不同軟硬既麵底！
又俾我地試到三種厚度~三種唔同肥瘦~件數同形狀既叉燒！
同時又試左三款不同濃稠度同味道既湯底~有特濃稠豬骨湯, 黑蒜豬骨湯, 同埋味噌豬骨湯！
三款不同口味既溏心蛋~仲有各有特式既隨麵配料哩: 幼麵有木耳香蔥，中麵有粟米紫菜芽菜黑蒜，粗麵有椰菜芽菜~!
** 爸爸媽媽因為食左少少嘢先出黎, 好快停左手, 結果每碗剩番大半有多俾我可以左溝右撈左配右撘咁用我最愛既Crossover食法品味一番！
我發現將東京忍者既黑蒜豬⻣湯底撈埋博多一幸舍既濃稠豬骨湯底個湯變得既濃稠又清甜，好正正丫！
整體評分之博多一幸舍篇 (只計我個人喜好)
麵底：4.5/10 (太幼, 沒有嚼頭咬感, 掛湯力欠佳)
叉燒：9.5/10 (十分喜歡瘦叉燒)
湯底：8.5/10 (夠Creamy但咸了一點)
溏心蛋：6/10
其他配料：6.5/10 (很少, 但有木耳絲算幾特別)
餃子：6.5/10
平均：6.92/10
服務店員印象分：8.5/10
題外話/補充資料：
在這裡每人是憑咭點麵的！點完麵過後, 麵店會俾一部電子機顧客, 當麵拎得既時候~手上既機就會閃紅色燈同咇咇聲提示去取食物~
等麵其間, 顧客可以四圍睇~四圍逛或者隨意坐~唔駛客人呆企喺店前等叫號碼~亦免得每間拉麵店各嗌各號碼唔知邊間打邊間既麻煩~同時適用於任何國際人士~不用擔心語言不通既問題, 十分貼心哩！
每間拉麵店僅售自己的食品, 無出售飲品的, 飲品像food court般, 要到中央beverage counter購買的~
爸爸未買拉麵就已經買左杯大Kirin (HK$50)啦！
(以上食評乃用戶個人意見 , 並不代表OpenRice之觀點。)
張貼
