寿司の神 (已結業)

是夜與好友來到元朗區《廚師發辦》的熱點──壽司之神，初初聽到呢個名，真不禁替餐廳抹一把冷汗，萬一食物水準稍遜，食客們都應該會紛紛踩台吧！但這夜的整個體驗，無論環境、食物、師傅、服務質素都非常滿意。話明廚師發辦，食物當然係由師傅話事，今次都試食咗不少當季食材，例如元貝、生蠔、鰻魚苗、松葉蟹、鮟鱇魚肝、白子、各類魚鮮、海膽等等。松葉蟹赤貝鮟鱇魚肝食材水準好高，當中特別想推介白子，先將白子用火稍稍燒烤，然後再配以師傅自家製的脆米餅，一軟一脆的口感，美味非常，好欣賞師傅追求既創意又保持食物鮮美的精神。此外，通常海膽的處理，一般會係就咁食，又或者烹調煮成海膽炒飯等，今次卻嘗試到「海膽撈飯」，將新鮮、鮮甜的海膽直接撈落珍珠米飯之中，令整碗飯好！鮮！甜！鍾意食海膽的人一定要試一次！