Chop Chop 食神叉燒 (宏安道) (已結業)

叉燒周圍都有得賣，但好食嘅叉燒就唔喺周圍都有。香港人食得健康，要有半肥瘦叉燒真係好難搵。鎖定依間鋪頭已有一個月，但見連續兩篇食評都一般，所以放棄左。昨天有事要過香港島，本來打算做完野後去柴灣新x香，但看到食評話最近換咗師傅似乎不錯，決定去試一下。開正旗號鋪頭名叫“食神叉燒”，點可以唔叫叉燒飯呢？賣相果然唔錯，唯獨是啲汁咸左小小，如果啲叉燒再腍多少少，咁就無敵嘞。另外叫咗咕嚕肉飯，獻汁甜酸適中，但啲肉就冇乜味，好似冇醃過咁，不過都尚算OK。總括黎講，各方面都唔錯，店員亦有禮貌有效率，店鋪裝修亦具特色，絕對喺叉燒lover朝聖之地。希望下次去食保持水準，甚至更好啦。