丸十あぶり牧場 (已結業)

朋友最愛牛，他生日，選擇了一間有高級牛的餐廳~餐牌一共有3本，一本係熟食，一本係set，最後一本就係燒肉，點了燒肉，店員會很醒目地準備即棄圍裙~其實食物除咗味道，賣相都好重要，餐牌見到呢座富士山已經覺得好吸引，非常之打卡able~仲有呢隻牛呀~每個部位都有2片，簡直是為了二人飯局而設~極上純種和牛拼盤($580)~牛，調味料用鹽同黑椒已經好足夠，但當然餐廳亦細心地配備燒肉汁及檸檬汁來迎合不同顧客的需要，拼盤的好處是可以品嚐到不同部位的特式，有的帶有口感，有的較重牛味，脂肪比例亦大不同，當然燒烤時間亦相對地有影響，時間控制亦很重要~丸十豚肉丼_左($108)~用得招牌「丸十」命名一定唔會差，豚肉燒到夠哂香口，空氣飄散住油脂香，採用厚切極具咬口，真的不容錯過！日出富士丼_右($188)~為保持造型震撼，飯量多且厚實，而包裹著山既牛肉片都係非常大塊，由雙色醬汁突顯出層次感，將頂層既溫泉蛋劃開，蛋汁緩緩流下並與醬汁結合，呈現出不同的美，口味方面更為獨特，濃厚醬汁帶有微酸，令人開胃，真的難以形容。