廚煌美食

今日去咗深水埗搵玩具，順便買埋外賣返屋企食。 經過見到廚煌美食勁多人排隊，就即管買個兩餸飯回家試吓啦， 聽說係由酒樓嘅星級酒樓總廚主理。

回到家一打開飯盒，欖角骨只有四粒，倉魚只係俾咗個倉魚頭我。 看落嚟真係好少餸，$33感覺上有d少。

豉椒蒸倉魚，倉魚非常新鮮滑溜。倉魚皮無蒸到老晒、好光滑。倉魚再陪上豉椒汁，淡中帶點香濃的豉椒汁非常夾同好食。

欖角骨非常野味，金沙骨啖啖肉，醃到入哂味。肉質非常彈同爽，比甜甜嘅蜜糖同欖角汁包圍，非常juice。 得四粒真係唔夠喉。 餸係唔錯，但白飯過硬，希望可以多d水煮返冧少少，食到un胃。

贈送嘅例湯係青紅蘿蔔豬骨湯，飲得出冇落味精，非常清甜及有很香嘅豬骨味。