Cozy Cafe

星期日睡到自然醒是常識吧。

之前睇viutv劇集，其中一幕個場景好靚，朋友話畀我聽係葵涌嘅cozy cafe，於是我一直記住咗。

早前見疫情暫緩，都心郁郁出去搵食，於是就醒起要嚟打下卡！

結果真係無令我失望，個場真係好多打卡位，我最鍾意係佢對街嗰一排座位，由出面影返入去非常之靚，係文青必到嘅地方！

至於杯咖啡都好好飲，飲到底個拉花都唔會化開。
個三文治唔可以話好出色，但味道都好唔錯呢～

有機會要再嚟試下晚餐先得！