滿樂潮州 (東薈城名店倉)

營業中

休息中

星期日咁啱有屋企人係大嶼山玩完出返黎東涌，就搵埋我一齊去飲茶，咁我就介紹佢地去依間比較新既滿樂潮州。因為依間酒樓係東涌黎講既質素同價錢最成正比，點心既味道俾某大型集團既酒樓樂多多聲。雖然佢既點心種類比較少，但一般食開既蝦餃燒賣就一定有。仲有啲比較特色既潮州菜，不過我淨係試過滷水墨魚片同潮州蠔仔粥，白色既墨魚被師父切到幾乎每一片都大小一樣，口感同味道都一樣咁好，蠔仔粥就鮮味十足，兩樣都好好食。所有點心感覺都好新鮮，完全無粗製濫造既情況。仲有一樣就係依度啲職員比一般酒樓既服務態度好好多，絕對唔會扮睇你唔到！