樂天皇朝 (雅蘭中心)

營業中

休息中

今晚約左人放工傾野，我就提議不如索性食晚飯邊食邊傾。唔想去咁遠所以朋友揀左呢間滬菜館。之前好多人話佢啲小龍包好食但我就一次都未試過。雖然蟹粉小籠包係必點嘅，但我反而相中佢嘅糯米紅棗同宮廷驢打滾兩款甜品😅，因為外面唔係成日食到。而且糯米紅棗有養顏補身作用，啱女孩子食。另外我地再點左夫妻沸片、雪菜咸肉炒年糕、鮮肉卷拉麵😁，會唔會點得太多呢！炒年糕同拉麵兩樣主食都好好味， 年糕煙煙韌韌，用雪菜咸肉放湯好鮮味。拉麵嘅麵質都好好，軟硬適中。怕太清淡正氣，我地就加了份夫妻沸片，佢同個餐前小食一樣， 煮得好入味好惹味。一如所料，糯米紅棗食落已經覺得好補血🤭。而個驢打滾裡面嘅豆沙餡都好香好味。