正宗上海生煎皇 (已結業)

其實一早已經識呢間嘢，全多得雜誌推廣，但當然無特登搵嚟食，近排呢個鋪名再經常上報，最終晌希望食餐簡單、行過登龍街嘅呢一晚就去試左入到嚟又無理由唔食生煎包，話晒鎮店之寶，雖然平時食上海嘢唔多叫，但都應該一試嘅，的確呢個圖嘅教法又幾啱啊，因為一咬落口個心好鬼熱，又多汁，但生煎包外面都算硬身，成功鎖到肉汁，的確幾好食另外叫咗個酸辣湯，飲落知湯嘅料都算足夠，但個人感覺上酸辣湯嘅酸同辛辣部傷都可以重手啲啲，同埋減少啲麻油味就好，但整體都唔算差嘅主食叫咗雪菜肉絲炒粉皮,啲粉皮無炒到好冧，又吸到少少汁落去，唔錯，啲雪菜配料都算幾爽，整體唔錯