西餐大排檔 (已結業)

之前有次落site已經有同事帶我黎過食lunch，印象唔錯，所以今日黎開附近就試埋dinner乳酪蝦仔蛋沙律 ($99): 幾fresh嘅一款沙律，用乳酪整醬，酸酸甜甜又幾開胃。松露煮日本年糕 ($99): 黑松露忌廉汁配日本年糕又系一款fusion菜，無論系忌廉，定系黑松路，都夠曬香濃，搭配煙煙韌韌而又無咩味嘅年糕，又唔會覺得單調，相反覺得幾新奇好食。冬陰公蝦多士 ($99): 多士夾住原隻大蝦黎炸，兩者融為一體，甘玩嘅蝦多士確系少見。多士夠香口酥脆，大蝦亦見爽彈，確系幾好食，而且一啲都唔覺得油膩。燒西班牙黑毛豬肉眼蓋 ($229): 呢種級數嘅黑毛豬只需燒至七成熟，否則乾汁嘅話，曬左塊肉。火侯掌控得幾好，中間部份仲有少少紅肉，岩岩好系最理想嘅熟度。呢塊黑毛豬幾有肉香，而且Juicy多汁，確系有啲驚喜，推介!!!咖啡幾有豆香，香濃而不澀，幾好飲。