阪神 (已結業)

以前去韓國首爾去過一個全部都係藍色嘅大鐵櫃，硬係覺得旺角嘅top都有呢個影子，佢哋嘅food Court星期六日非常之旺場，都有好多餐廳選擇，其中一間阪神我之前喺第二度食過，印象都唔錯，所以今次又揀番佢啦。明太子章魚大阪燒我覺得明太子同大阪燒本身係好夾嘅組合，特別係大阪燒嘅醬汁，配埋面頭嘅明太子，仲有厚身嘅蛋漿同蔬菜煎埋一齊，幾飽肚又美味，而大阪燒本身喺香港食其實都唔平㗎，所以我覺得呢間嘅性價比甚高。豚肉關西炒麵關西炒麵嘅質感有少少似上海油面嘅幼身版，咬落好彈牙，所以咁樣炒埋一齊其實幾好味嘅，分量十足，如果係女仔食我覺得可以兩個人食一碟。