阪神 (已結業)

本人於2022年8月13日下午2點半左右於元朗形點商場Foodeli內之阪神餐廳內點餐 見到餐牌上有加20元可變套餐的優惠 而另一邊則寫有2人套餐85折 於是我到自助點餐機點餐 發現沒有85折 收費為156元 於是我便取消自助點餐 到餐廳櫃檯找職員點餐 當時沒有留意銀碼之情況下只見到有85折我便便用了八達通付款 之後發現款額為175元竟然比2個單人套餐還要貴。於是我便和女職員了解 其後和該女職員到自助點餐機再重新落餐 她著我不要付款 站在原地等待 過了大約5分鐘 她和另一位著白色衫的Foodeli職員走回來 並指在我等候的時間內他已經在後枱電話取消了自助點餐機之套餐 並指出只可以用2人餐的原價85折 但餐牌上的套餐價格仍然寫在電視螢幕上 再到自助點餐機時 1人套餐已被鎖機 雖然按到但不能付款 之前是可以付款的 商品價格和付款時不同白衫職員還指 岩岩可以但係你依家已經㩒唔到。你都係想用個低價買野食乍 一係就照出餐一係退錢 唔係你大聲就代表你岩既我只係想取消2人餐用回一人餐價點餐 為何你餐牌有寫套餐價錢 你櫃檯又做不到 但自助點餐機明明可以用到優惠時 你又不先對客人解釋為何做不到的情況下

阪神 呢間餐廳名我成日聽🙈因為 app 成日都有得叫 但有其他選擇所以就叫左其他 今次經過旺角Top商場 見又有阪神當然叫黎食下 我眼見好多學生都叫吉列豬扒關西炒麵 所以我就跟學生叫🙈職員重問我加唔加錢 變套餐 有香芋地瓜球 加飲品🙈當然加啦🙈拎到餐後 我覺得唔夠食🙈但我錯啦 我食到一半已經飽到一個點 但叫左又無理由唔食埋🙈成餐食完到晚餐都唔洗食🙈整體黎講 食物：3.5-4/5價錢：1.5/5 （成個餐62）

章魚大阪燒 $48難食，好硬嘅底，已經係一拎即食，但都可以甘硬，到底點做到？吹一陣凍左已經咬吾到價錢中等，不過吾會再有下次完全吾明點解甘多好評。。。啲料都足 但真係咬到好攰，

行行吓街又累又餓，想起TOP的food court，就去了吃阪神。日式小食店，關西風的地道小吃—燒餅、炒麵、日式煎餃子，讓人想起大阪旅行的時光。午市時間，就點些飽肚食物吧，跟朋友分別點了「松葉蟹肉蟹膏飯定食」和「黑松露帆立貝大阪燒定食」，套餐包括前菜—蜆肉和甜點—泡芙，還有湯呢~ 松葉蟹肉蟹膏飯定食份量很足，三層的「松葉蟹肉蟹膏飯」，以飯為底，飯面蟹膏，然後最面層是切碎的松葉蟹肉，把飯與蟹膏、蟹肉拌勻，一口吃下，感受到蟹膏的鮮味和蟹肉的鮮嫩，味道豐富。至於「黑松露帆立貝大阪燒定食」，一啖吃到章魚、栗米、高麗菜的粒粒口感，拌上惹味的黑松露醬汁，超吸引呢~ 唯一美中不足，略嫌大阪燒粉多和厚身，入口較腍軟，要是外層脆口一點會更滋味。

今日朋友出旺角行街，到晚飯時間，諗唔到食咩，唯有落food court睇吓有咩好食，行過阪神見到餐牌有新出嘅和風定食，和風定食入面有自己最愛嘅蟹肉，OK，已經決定好食咩。最後叫咗松葉蟹肉蟹膏飯同黑松露凡立貝大阪燒。松葉蟹肉蟹膏飯真心好驚喜，佢係將蟹肉鋪滿成個飯，而飯下面仲有層蟹膏，啖啖都係滿滿嘅蟹肉同蟹膏，成個飯好似淨係食緊蟹肉咁，好鬼正。另外佢知黑松露凡立貝大阪燒，都唔差，黑松露醬個味唔會太濃配埋酸甜嘅沙律醬味道啱啱好，成個大阪燒好似升級咗咁。

兩口子出去行街，有時會吃好的，也有時會簡單方便就腳吃一餐就算。這一天，小朋友沒有跟出門，我同太太就閒逛旺角。我們行到入 TOP，大家都想看看這是有什麼新的飲食好店。但，也許是疫情的關係，有不少都寧願不開門。最後，我們落到地庫層的小小 foodcourt，大家都看中了這一間名叫《阪神》的日食小店。店名寫到明是《阪神》，我們 expect 的也就是關西風味的食品。一看 menu，就出現了關西炒麵這一個吸引的名字。太太點的是雜菜野菌關西炒麵。一出來，這不就是大阪燒嗎? 只是把大阪燒同拉麵混合的產物吧。炒的，似乎是日式全蛋拉麵。但在麵餅上，就以大阪燒的形式，把醬汁鋪滿。味道上，不會不好食。我點的是日式芝士漢堡關西炒麵。麵底同醬汁，同太太的雜菜野菌關西炒麵基本上是一模一樣的，只是沒有野菌而已。而芝士漢堡是比較特別的，因為芝士是在漢堡的中心，咬開漢堡扒，芝士就如泉湧的出現。好美味，也令人感覺好飽。加點了一份兩隻的大阪王將炸餃子。皮薄而脆，但吃入口，就立即知道，這是在超市也能買到的 "行貨"。汽水，是來至日本的汽水。是葡萄味的汽水，香甜可口。食物簡單，味道不錯，出品亦帶有特式。好食，不太貴，是一間值

周末下午帶兒子去長沙灣一間名校面試，出發前帶他到這個領展商場T.O.P的food court食飯。其實這個場的餐廳價錢不是很便宜，但比起一街之隔的MOKO food court，雖然貴一點，但款式較多，食物看起來也像好吃一點，性價比應高一點。領展的管理是高質的。說回這餐飯。兒子喜歡食鰻魚，我便給他吃鰻魚大阪燒。加10塊有飲品及地瓜球送，合共70元，價錢不算便宜。食物方面，鰻魚及大阪燒也美味，要特別讚地瓜球，其實是南瓜味道，少少甜多多煙韌，好吃！想特別談一談環境，這層美食商場的座位不算太迫，我們選擇了扶手電梯側的一張枱，可以自成一角，擺放背囊，但由於太近扶手電梯，如果有女士穿短裙而食客往上望，大家也會尷尬。希望商場方面留意一下。

以前去韓國首爾去過一個全部都係藍色嘅大鐵櫃，硬係覺得旺角嘅top都有呢個影子，佢哋嘅food Court星期六日非常之旺場，都有好多餐廳選擇，其中一間阪神我之前喺第二度食過，印象都唔錯，所以今次又揀番佢啦。明太子章魚大阪燒我覺得明太子同大阪燒本身係好夾嘅組合，特別係大阪燒嘅醬汁，配埋面頭嘅明太子，仲有厚身嘅蛋漿同蔬菜煎埋一齊，幾飽肚又美味，而大阪燒本身喺香港食其實都唔平㗎，所以我覺得呢間嘅性價比甚高。豚肉關西炒麵關西炒麵嘅質感有少少似上海油面嘅幼身版，咬落好彈牙，所以咁樣炒埋一齊其實幾好味嘅，分量十足，如果係女仔食我覺得可以兩個人食一碟。

阪神間唔時就有新野出，前排喺社交平台見佢既松葉蟹肉蟹膏飯已經覺得吸引，冇諗過食落有驚喜！最上面鋪滿哂蟹肉，我地見到實物都嘩咗一聲😆蟹肉下面係蟹膏，份量都好大方，而最下層就係飯。每啖飯都食到蟹肉同蟹膏，唔會覺得飯多蟹肉少~大阪燒既材料同蟹肉飯一樣豐富，有粟米帆立貝高麗菜等等，仲加咗黑松露醬，食落有新鮮感。另外仲有蜆肉、泡芙同昆布湯。蜆肉味道酸酸甜甜好開胃，泡芙朱古力味香濃，昆布湯味道唔會太鹹，唔錯。

呢間小店主打各款口味嘅大阪燒、關西炒麵、丼飯同日本輕食🎌💗牛肉關西炒麵 ($48)炒麵質感煙韌彈牙，牛肉片份量都幾多🐮，加入甘筍絲🥕、椰菜🥬同洋蔥🧅炒成。撈埋面頭自家調配嘅關西醬汁同蛋黃醬，食落鹹甜惹味🍝💗明太子章魚大阪燒 ($48)自家製燒餅底略為偏厚，粉團感較重，冇外脆內軟嘅口感🫓不過餡料好豐富，有大大粒章魚🐙、粟米粒🌽同椰菜🥬。表面唧上燒汁同明太子沙律醬，食落微辣惹味

又一做完facial落嚟食嘅一大選擇，呢嗰商場如果你想平平哋食到啲日本嘢就一定要落嚟food court食😂 阪神都係我其中一個選擇🤪 我今日好肚餓，所以好任性咁叫咗兩嗰，牛肉關西炒麵$48 同埋明太子章魚🐙大阪燒🍱 $45食呢類嘅日本嘢嗰醬好緊要，就好似章魚小丸子如果無醬就係兩嗰層次😮‍💨 不過呢到嘅醬好好食，由其是明太子醬好食🤪 牛肉關西炒麵一定一定要溝勻晒先好食😋，但就咁叫嗰炒麵我都幾肯定唔夠飽😂 所以我就叫埋大阪燒✌🏻 章魚🐙好大粒，絕對有咬口😁 不過下次嚟食，一定要叫嘢飲，咪會好口渴🥲

阪神 - 經濟日式快餐今日介紹在旺角T.O.P的旺角煮場，是一個集合多款不同餐廳的Food Court，午餐快食得，晚餐經濟食也得，就選擇阪神日式快餐。日式牛肉關西炒麵晚餐關係我們點了一款關西炒麵，惹味香濃醬汁加入炒麵炒香，再加上多款配料椰菜、炸蒜和紫菜，還有厚啖啖肉的牛肉片。明太子八爪魚大阪燒另外點了日本大阪名物-大阪燒，頂部掃上大阪燒醬汁沙律醬，加上明太子醬和紫菜碎，賣相相當吸引，大阪燒厚度十足，濕度剛好。

mong kok shopping完，見到t.o.p. 地下有個food，佢都幾多嘢食，除咗有主食之外，仲賣埋飲品。選擇咁豐富，今日就同friend試吓先！🥰試咗呢一間日式主題嘅餐廳，叫咗兩個小食。一個係豬肉片炒面。另外一個係明太子大阪燒。好耐冇食大阪燒，呢度嘅都真係好好味，佢面上面有濃厚嘅明太子醬，下面就係經典嘅大阪燒。🤤入邊嘅材料都好豐富有，椰菜同埋魷魚，口感彈牙。另外一個豬肉片炒麵，我就覺得豬肉片非常之彈牙，😋配埋醬好好味。

同左朋友仔黎foodcourt搵食～見到有大阪燒就衝左埋去！！！大阪燒既口味都有唔少選擇：）仲有幾款係新口味添xppp我揀左最愛既明太子口味😍😍😍除左大阪燒之外，仲有飯類同炒麵可以揀：）朋友仔就要左一份牛肉關西炒麵～朋友仔既炒麵超級大份！！！面頭有燒汁同蛋黃醬，仲有脆粒係面：）麵同牛肉既份量都好多～仲混合埋唔少甘筍絲同洋蔥添：）而我既明太子大阪燒都唔差！！！表面有微辣惹味既明太子醬～大阪燒中有椰菜、玉米粒同章魚粒，正！

同朋友黎到T.O.P 商場逛一逛，之後黎到佢地庫個food Yum 到食，呢到都好多不同既餐廳選擇呢，最後我哋揀左間「阪神」。我同朋友都叫左兩款美食：豚肉關西炒麵 及 明太子章魚大阪燒。-豚肉關西炒麵配上濃郁醬汁，撈勻佢食，勁有日本風味，食完完全唔會覺得滯，味道非常之不錯。另外，明太子章魚大阪燒味道都相當不俗。首先配上面明太子醬汁同燒汁，燒餅內帶有章魚🐙厚粒，食落勁有咬口，成個燒餅個配搭都好夾，非常推薦大家試一試。整體黎講，性價比非常之高，人均都係$50炸。👍🏻👍🏻