NUTTEA (旺角中心第一座) (已結業)

我真係超中意奶蓋,久唔久就有心癮。但真正做得好奶蓋既店唔多,第一次飲呢間野既飲品,好有驚喜。除左白色既奶蓋仲有呢隻好NUTTY既味道,用5種NUTS BLEND出來的朱克力色奶蓋好綿密,好厚,厚到要好小鏟子''畢''佢黎食,食既時候好有食NUTELLA既感覺,超正!食左好幾啖仲有好多,於是我傾斜45度咁飲,飲到成嘴都係,好過癮,最後就搞勻黎飲,明明本身係茶,因奶蓋好厚既關係,搞勻後味道似朱古力奶,好得意呀!呢間店仲有好多我想飲既口味,一定會再試埋其他味道。間野係旺中,都好方便下。