Hands-On Coffee (已結業)

朋友話想去cafe，於是求其搵左間係旺角個頭既，open rice到見到個menus想試下佢d意粉，所以就book呢間黎食。卡邦尼意粉通常都唔會伏，咁呢個都無令我失望，先試左一小口薄薄既蛋焦，覺得比較鹹，所以決定同溫泉蛋同意粉撈埋一齊，雖然有d重味，但我都幾鐘意，溫泉蛋蛋白嫩滑，個醬汁好creamy又有蛋黃味，煙肉亦都吸收左醬汁嘅味道，而且我幾鍾意佢意粉嘅硬度，所以不妨一試。我朋友就叫左蕃茄海鮮扁意粉，咁就緊係開心share下，同樣都喜歡佢扁意粉既硬度，個醬汁味道有少許酸酸地，蕃茄味都有，而海鮮黎講我幾鐘意個蝦同帶子，蝦非常新鮮爽口，唔洗hi好多汁去食，帶子雖然好似黑左一舊野咁，但易入口，肉質都幾軟嫩，而個青口如果可以多翻些少鮮味同醬汁就更好。然後食到有啲想飲野，就同朋友share左杯冰熱帶果茶，飲落唔甜帶點甘，冰度ok，去到底有菠蘿同奇異果粒可以食，普通正常味道，唔鍾意飲甜野嘅可以試吓。呢度環境都可以，裝修同燈飾都比較光亮，坐窗邊位仲會望到出面，呢度都算方便，食物質素都幾好，可以一試。