麵麵 (已結業)

✨彈過橡皮筋的魚烏冬✨～～～餐廳名稱：麵麵 (旺角)餐廳地址：旺角彌敦道726號1樓～～～放工同大舊去了旺角 食呢間朋友推介嘅烏冬餐廳 之前朋友話食過佢哋嘅一個招牌 叫麵麵圍城 俾過相我睇望落去非常豐富 有九宮格嘅餸 同一碗好味嘅烏冬 所以我哋一直都好想下 佢哋係香港第一間魚烏冬餐廳 所謂嘅魚烏冬就係落咗好多魚肉整成嘅烏冬 澱粉比例較低 蛋白質比例較高 減肥都好啱食～～～黎到之後發覺佢哋餐牌其實好多選擇 最後我哋冇揀到麵麵圍城 而係選擇咗其他嘢我哋叫咗佢嘅晚市套餐 套餐有包前菜同飲品我哋就將飲品加錢換左做柚子茶同埋洋甘菊套餐嘅主菜就係薑汁燒鰻魚魚湯料理 同極上魚宴料理 ～～～先說薑汁燒鰻魚魚湯料理 鰻魚大大條冇咩骨 魚肉味道正常 最好食就係佢嘅魚烏冬 加上有花膠湯魚湯 好味到差啲連個碗都食埋～～～極上魚宴料理 就好多材料 有魚皮菜肉餃子 墨魚春卷 魚肉春卷 魚蛋 蝦 當中魚皮菜肉餃子同墨魚春卷我就最鍾意 但係點講都好主角都依然係啲魚烏冬 彈牙到彈過橡皮筋嘅口感真係好正～～～食完碗麵仲口痕我哋 又叫咗一個蝦兵蟹將蝦餅配蟹子和風醬 佢哋用吉列嘅方法將蝦餅脆炸食落去有吉列豬扒feel 好食