韓膳宮 (已結業)

難得早收工咁就梗係約埋男朋友一齊嚟到呢間人氣幾高嘅韓膳宮食韓式燒肉啦！個位置都好近我工作嘅地方，就係喺通菜街威達商業大廈1樓，超方便！會合左男朋友上到去餐廳，知道價錢係$218 一位，90分鐘任食任飲，都幾扺！男朋友好開心咁叫咗頂級牛肩肉，頂級牛板腱肉，呢兩款牛真心正！前者脂肪少仲要色澤紅潤透亮，後者牛味香濃！🐂🐂另外牛脷口感好正，因為係厚切但吾會韌！😋😋雞肉，黑豚腩肉同埋豬頸肉都好好食，今餐完全意想不到每樣食物都咁新鮮，估唔到呢個價錢可以食到咁有質素！😍🥰