越興園越南菜館 (已搬遷) 新店位置

餐廳氣氛唔錯，燈光柔和，位置安排喺樓上，相對地舖更加寧靜，裝修都幾別緻。我哋叫咗個二人餐。小菜揀咗個越式小食拼盤，有春卷、串燒雞、同埋粉卷，春卷炸得好脆好香口，可以稱得上皮薄餡靚，串燒雞嘅精髓——花生沙嗲醬唔辣但好惹味，粉卷就普普通通，冇乜特別。另外一道菜叫咗西檸雞，每一件雞與雞之間都隔左一塊好甜嘅香橙肉，淨係個擺盤都已經好有心思，雞炸得好脆，醬汁酸酸甜甜，好開胃好好味。最後一個蛋白肉鬆炒飯，相對前面兩道菜嘅味道，炒飯味道好淡，正常發揮。雖然全部食物嘅味道都唔錯，但係食完過後都幾口渴，適合喜歡重口味嘅人去試吓。