藏戶概念館 (已結業)

朋友醒左張九折劵俾我, 今日見得閒, 過黎試一試7:45到, 人客唔多, 即入即坐油甘魚刺身: 顧名思義一定要夠油份, 同埋味道甘甜, 先稱得上係靚貨, 呢一客都做到呢一點, 厚切亦都增加口感, 等你feel到魚肉實淨得黎帶爽嘅質感帶子刺身: 落單時, 個經理話有北海道直送帶子, 即管一試, 堅大隻喎, 比一般嘅帶子大30-40%, 最驚喜係, 咬落去果下係feel到一梳梳嘅肉感, 呢種感覺真係第一次, 甜味亦豐富天婦羅烏冬: 脆漿OK薄且脆, 有水準, 係隻冬菇唔夠脆漿, 少左脆口感, 值得一提係個稻庭烏冬, 比一般烏冬幼滑, 份量足夠兩個人分, 我都完成唔到生蠔: 呢排食蠔食上癮, 口痕叫左一隻, 即開嘅, 係咩名唔記得, 淨係記得法國, 篤一篤群邊, 見到隻蠔縮一縮, 証明新鮮, 加少少檸汁一啖啪落口, 唔係creamy果種, 屬於爽口, 有淡淡海水味, 食得過日式焦糖雞蛋布丁: 其實好飽, 但係甜品真係忍唔到口, 呢個賣相普通, 入口算滑, 都有焦糖香, 不過不失刺身熱食喺旺角區都算高質, 食物賣相有進步空間, 若只論味道, 返頭率都應該幾高侍應人手略嫌不足, 上菜無分次序,