SUKIYA すき家 (亞皆老街)

營業中

休息中

終於有機會一嘗日本人氣過江龍牛肉飯！之前經過呢間餐廳，一定見到出面大排長龍，令到我想試呢間牛肉飯嘅意欲大大減退。而家因為疫情少咗人排隊，多咗人叫外賣，網上話外賣等嘅速度都好快，所以都想嚟試吓。雖然外賣嘅賣相麻麻地，味道都唔錯喎，下次再經過旺角，都會想買嚟食。鰻魚牛肉丼(L) $83- 牛肉分量食落比較細份，鰻魚燒得唔錯，但唔會叫係必食，呢個價錢我會期待更高嘅水準。感覺叫2個牛肉丼食好似更多更抵。我自己夾咗啲酸薑，可惜偏鹹，麻麻哋。山藥泥牛丼(S) $35- 我揀呢個食係因為山藥係健康嘅食材，牛肉份量都幾多，感覺多過鰻魚牛肉丼嘅牛肉。雖然山藥質感係滑捋捋，但同牛肉一齊食都幾夾，好似滑蛋牛肉咁，推介！溫泉蛋 $5- 温泉蛋嘅蛋黃流心，味道濃厚，中意用蛋汁撈飯嘅朋友一定要加隻温泉蛋食！同埋價錢都唔算好貴，所以值得加錢加隻蛋。順帶一提，酸薑偏鹹，唔好落太多撈飯食。