好開心喺旺角都食到佢地嘅招牌吐司😆
🥪慢烤雞腿芝士蛋吐司 ($56)
呢個招牌吐司真係每次都必點🤭
吐司烘至金黃色 口感微脆
雞腿依舊厚身得黎 嫩滑又juicy
甜甜地嘅自家製醬汁亦都好好味😋
唯一美中不足係隻蛋唔夠流心
🍱手工滷肉炭燒豬頸肉便當 ($69)
豬頸肉經過醃製再慢烤 外脆內爽嫩 炭燒味都幾香
如果切成一塊塊就更好 方便食用
滷肉選用半肥瘦嘅豬肉 滷得都入味😌
便當都有唔少配料：椰菜、酸菜(少辣)、粟米粒等 相當豐富
🍳芝士火腿肉鬆蛋餅 ($48)
餅皮煙韌薄脆 入面都好足料
仲有埋半溶芝士 鹹香十足
食到停唔到口☺️
🍢黑布台式香腸 ($28)
🍢花枝丸 ($38)
兩款小食都唔錯 我自己就比較中意香腸
台式腸表面烤至香脆焦香
一咬落去有好多肉汁 好正！❤️
🥤茉莉花茶 (+$12)
🥤山茶花烏龍茶 (+$12)
本來想試埋佢地新出嘅冰火湯圓 可惜已經賣哂
唯有下次再黎食🥺
黑布小巷
📍廣華街1號仁安大廈地下32B-D號舖
