黑布小巷

營業中

休息中

有日經過荔枝角《黑布小巷》見到大排長龍，見個蛋餅好吸引，不過當時趕時間就暫援咗。今日喺旺角見到有分店！可能過咗食飯時間，俾我見到店入面有位，就嗱嗱聲入去霸枱。雖然差不多九點，但都仲滿滿地客。我一坐低第一時間柯打咗：芝士火腿肉鬆蛋餅🍳 $49- 蛋餅果然冇令我失望，半溶拔絲邪惡芝士、配火腿肉鬆，口感同味道都好有質素手工滷肉便當🐖 $58 加台灣腸🫘 $28（跟餐）- 便當有滷肉、酸菜、滷蛋、粟米同菜，滷肉係台灣地道嘅味道，亦唔係肉碎係肉叮。台灣腸亦都熱辣辣非常好食。跟餐飲品：黑糖紅棗桂圓薑茶☕️ $16 黑糖蘋果紅棗薑茶☕️ $16- 雖然係黑糖系列，估計因應咗港人甜度，黑糖/紅棗/桂圓/蘋果/同薑味都飲到。港女表示很好唔太甜。見到隔籬枱個吐司咁靚又實在忍唔住嗌咗：慢烤雞腿蛋吐 🥪 $49- 雖然個芝士蛋吐司好吸引，但之前個蛋餅令人好滿足，所以就簡單加咗個雞腿吐司。烤雞腿醬好香，吐司個麵包都炕得剛剛好。加吐司時我地再加咗個甜品冰火湯圓 🍨 $38- 顧名思義係熱辣辣嘅湯圓、用冰鎮住上，冰上仲散有陣陣桂花香氣。小店人情味滿分，性價比高。期間啲客人一路都出出入入，舖頭都幾多人。大件又抵食😋

前排去咗旺角分店嘅黑布小巷，因為好掛住佢哋嘅野食，特別係慢烤雞腿芝士蛋吐司🤤雞腿經過慢烤，肉質鮮嫩多汁，搭配上融化嘅芝士同埋香滑嘅蛋，放喺香脆嘅吐司上，口感層次豐富，食落去真係好滿足😋再講講佢哋嘅秘製紅燒牛肉麵，牛肉燉得非常入味，肉質軟嫩，湯底濃郁，帶有一絲香料嘅味道，配上彈牙嘅麵條，呢碗牛肉麵真係冇得輸👍古早味手工滷肉飯都唔可以錯過，滷肉醬香氣四溢，肉質肥而不膩，搭配上白飯，簡單卻又令人懷念台灣嘅味道☺️花枝丸口感彈牙，鮮味十足，都好好味😋朋友餐飲揀左佢哋嘅茉莉茶，清新怡人，茶香撲鼻，飲落去令人感到放鬆，係一個完美嘅配搭🥰而我就揀左黑糖雪耳枸杞，雪耳滑嫩，黑糖嘅香甜同枸杞嘅清香完美結合，飲落去既有口感又有營養👍📍 黑布小巷 (旺角)旺角廣華街1號仁安大廈地下32B-D號舖#台式美食 #台灣 #人氣餐廳 #人氣餐廳 #黑布小巷 #古早味 #旺角美食 #觀塘美食 #慢烤雞腿吐司 #性價比高

.台式美食嚟講，呢間都算出名 🤭聽過好耐，今次去開旺角終於試咗每樣嘢都喚醒台灣嘅味道👅🇹🇼 .🌟慢烤雞腿芝士蛋吐司🐔🧀🍳🍞 $68實不相瞞，我嗌咗2️⃣份一個有芝士一個冇🤣🤣個人比較推介有芝士🧀 香味四溢雞腿烤得啱啱好 肉質鮮嫩 咬落去仲有啲Juicy🐔蛋香加埋熱溶芝士令到成個吐司creamy D口感更加提升 😌份量好大，建議兩個人share一份.🌟芝士火腿肉鬆蛋餅 🧀🥞 $65冇錯，又係芝士🤣🤣🤣但冇計 芝士同火腿真係Perfect match😛肉鬆同蛋餅又絕配 蛋餅皮煎得微脆再加埋沙律醬汁 🥗 台灣嘅感覺出晒嚟.🌟秘製紅燒牛肉麵 $68 🍜 牛腩燉得軟爛 筋肉分明 🥩 個麵粗身 煮得幾彈牙 掛湯力強，嗦起來超爽同埋呢個價錢可以嗌到大大一碗麵真係幾抵🤑🤑.🌟湊湊豆腐湯 $38 🥣 有啲類似台式麻辣豆腐湯 🌶️ 但辣度溫和 更突出豆腐的豆香亦有少少臭豆腐嘅味道鍾意嘅朋友一定唔可以錯過😌.雖然店舖坐落於不起眼嘅小角落🫶🏼但由於食物質素一直保持水準中間都見到好多食客慕名而來👍🏿👍🏿我下次再試多幾本吐司🍞同蛋餅先🤭🤭仲想試今次試唔到嘅冰火湯圓‼️‼️🍨 睇吓係咪同台灣夜市一樣味道先🫡🤗..📍旺角廣華街

🇭🇰 Mong Kok｜Hakpo Alley 黑布小巷Hidden away in one of the alleyways of Mong Kok, have this Taiwanese restaurant that got TOP NOTCHED sandwiches 🥪and bentos! They also have a special dessert that you would not find elsewhere, here are what we got:𝐑𝐨𝐚𝐬𝐭𝐞𝐝 𝐂𝐡𝐢𝐜𝐤𝐞𝐧 𝐓𝐡𝐢𝐠𝐡𝐬 & 𝐄𝐠𝐠 𝐓𝐨𝐚𝐬𝐭 𝐰𝐢𝐭𝐡 𝐂𝐡𝐞𝐞𝐬𝐞 慢烤雞腿芝士蛋吐司Their top notched sandwich 🥪include tender chicken thighs with melted cheese and eggs! 😋An appetizing sauce also added to the sandwich, elevating the taste to the next level! 😆𝐂𝐡𝐢𝐧𝐞𝐬𝐞 𝐎𝐦𝐞𝐥𝐞𝐭 𝐰𝐢𝐭𝐡 𝐂𝐡

🎀旺角。超多分店高質平價臺式料理👍🎀🪄店名* 黑布小巷🔮地址* 旺角廣華街1號仁安大廈地下32B-D號舖 🔮🗾分店地區🗾 荔枝角, 旺角, 觀塘, 大角咀, 北角, 葵芳💰價錢$262.9 已加一 (2人)➖➖➖➖➖➖➖➖➖➖➖➖➖🎵餐廳環境🎵呢間臺式小店而家越開越多分店，一睇就知人氣爆棚 最近甚至新開咗旺角分店，方便之餘，環境又充滿氣氛。餐廳空間以長方形設計，雖然空間唔算特別大，但每個角落都散發住溫暖嘅味道。木紋桌椅搭配柔和的黃色燈光，讓人感覺親切而舒適而舖頭播放住懷舊的台灣流行曲，懷舊感十足，彷彿置身於臺灣🍽️食物質素🍽️餐廳主打地道台灣小吃例如有臺式蛋餅, 手工滷肉飯, 紅燒牛肉飯以及店鋪更有特色甜品:冰火湯圓 芋圓人氣之選更有芝士吐司 超澎拜芝士必定要試一試👀評分💖💖💖💖💖🪄慢烤雞腿芝士蛋吐司 $68 這道皇牌真係唔可以錯過！雞腿可以選擇辣或不辣，厚實的雞腿肉質鮮嫩，多到滿瀉而出嘅芝士，更加增添無限美味享受，濃郁得來又吾會膩，一個吐司就令人覺得滿足👀評分💖💖💖💖💖🪄秘製紅燒牛肉麵 $84呢款紅燒牛肉麵絕對值得一試！麵條的彈性恰到好處牛肉超級軟嫩，吸收了豐富湯汁，口感層次分明咀嚼時更

每次想食台灣野都會諗起呢間餐廳，價錢親民又好食，已經encore咗無限次。秘製紅燒牛肉麵❣️牛肉份量足，筋肉分明，好容易咬開，麵條幾彈牙，湯底濃郁，忍唔住飲多幾啖。慢烤雞腿芝士蛋吐司❣️吐司烘得外焦內軟，雞腿肉好軟腍juicy，一咬啲芝士同蛋汁爆曬出黎，真係好正！芝士火腿肉鬆蛋餅❣️蛋餅一夾開芝士半溶拉絲，非常邪惡，配搭埋火腿同肉鬆，味道層次豐富。黑布台灣腸/甜不辣❣️台灣腸烤得好香口，甜不辣口感煙韌，滿滿台灣街頭小食風味。

最近回訪黑布小巷，呢間小店環境簡約舒適，充滿台灣風情，令人一入到去就有種親切感，而且食物水準高🥰火腿肉鬆蛋餅外皮又薄又Q，內裡包住香滑嘅蛋同肉鬆，味道非常好👍秘制燒牛肉麵牛肉燒得軟嫩入味，湯底濃郁，麵條彈牙，整體味道非常出色，完全停唔落口🤤黑布台灣腸香腸外層焦脆，非常香口，推薦😋花枝丸份量有5粒都算多，椒鹽味勁香，仲有粒粒墨魚粒，口感一流😋煙熏鳳爪幾新鮮嘅口味，口感味道都可以😌慢烤雞腿芝士蛋吐司呢個係每次必食推介🤤雞腿肉質鮮嫩，芝士融化得剛好，吐司外脆內軟，食落去真係好滿足😍冬瓜茶清甜解渴，正好平衡咗重口味嘅菜式☺️山茶花烏龍茶茶香清新，回甘悠長，超解膩🥰📍 黑布小巷 (旺角)旺角廣華街1號仁安大廈地下32B-D號舖#人氣餐廳 #美食推介 #台灣美食 #台式料理 #必食吐司 #黑布小巷 #廣華街 #旺角

📍出嚟買嘢經過見到原來旺角都開咗間😍咁啱我地又未食晏🥢呢度嘅台灣野真係又好食有抵食✅兩個人食左二百零蚊已經食到好飽飽嚕👍超滿足呢🥳🐽慢煮厚切豬頸肉手工滷肉便當：食台灣菜除咗台灣麵之外🍜滷肉飯就會係我另一個好喜歡嘅選擇嚕🥳佢哋呢個手工滷肉飯係手工做非機器做👍所以特別有咬口😍肉嘅口感同膠質都有好大分別💯正呀🥳厚切嘅豬頭肉烤得好香好脆✅唔錯🥳🐔慢烤雞腿芝士蛋吐司：呢個吐司個醬汁非常之惹味💕而且烤完嘅鷄腿好嫰滑🔥記得趁熱食呀🥳芝士火腿肉鬆蛋餅：去台灣一定會食既蛋餅🥞每次食都有好溫暖嘅感覺❤️呢度個蛋餅味道夠曬正宗嘅 ✅材料豐富好飽滿👍醬汁好惹味🥳🌼黑糖桂花：好香桂花味道👅唔太甜✅🫚黑糖紅棗桂圓薑：呢杯黑糖紅棗桂圓薑醋真係好夠薑味👍喜歡薑口味一定要點呢個試吓😍

之前食過荔枝角個間，覺得又平又好食！開咗喺旺角質素都保持到！首先叫左慢烤雞腿芝士蛋吐司，最鍾意食吐司有芝士，依到個芝士仲拉到絲！雞腿烤得岩岩好食落好滑，仲有少少肉汁。配埋蛋同埋芝士口感豐富又飽肚主食揀左秘製紅燒牛肉麵，牛肉煮得好稔，入口即溶，個麵底煙韌有咬口，個湯牛肉香味濃郁仲叫咗個小食烤台灣香腸，原條上，比起平時出面食嗰啲更加有咬口，味道濃郁咬落仲唔會好乾甜品試左冰火湯圓，好大碗嘅刨冰淋上桂花糖漿，中間有幾粒芝麻湯圓，外冰內暖飲品叫咗冬瓜茶，味道嘅清甜夏天又啱晒！呢間性價比真係幾高，食物又特別

餐廳裝修簡潔，空間不大但整潔舒適，適合快速用餐或外帶。 🥪慢烤雞腿芝士蛋吐司 - 雞腿肉嫩多汁，搭配半融芝士與流心蛋，吐司烤得香脆。 🍲秘製紅燒牛肉麵湯頭濃郁甘甜，牛肉燉煮軟腍入味，麵條吸湯不軟爛。 🫔芝士吞拿魚粟米蛋餅蛋餅皮薄帶Q勁，內餡芝士拉絲，吞拿魚粟米鹹香清爽。 🍡冰火湯圓（芝麻餡）上面係熱湯圓，底部鋪碎冰，淋上清甜桂花糖醬，冷熱交織，芝麻香濃不膩。 ☕️黑糖雪耳枸杞茶微甜膠質足，滋潤暖胃。 🥤冬瓜茶古早味解渴，甜度適中。 🌟餐廳整體質素高，尤其在傳統台食中加入創意: 冰火湯圓, 如果經過旺角想食地道台灣菜，可以bookmark 。

📍#黑布小巷 (旺角) 旺角廣華街1號仁安大廈地下32B-D號舖▪️▪️▪️▪️▪️▪️▪️▪️▪️▪️▪️▪️▪️▪️黑布小巷旺角都開咗分店啦，唔係之前一直都有食開佢嘅荔枝角總店，返到嚟旺角就更加方便 .✨#麻辣鬼椒雞腿芝士蛋吐司 💰$58 吐司雞腿肉煮得好嫩滑，加埋麻辣醬嘅香辣味，唔會太過火，正好衬托到芝士嘅 Creamy 口感。吐司外脆內軟，咬落去有層次感。✨#慢煮厚切豬頸肉手工滷肉便當 💰$73 豬頸肉質軟嫩，帶有一點點甜味，唔會太重鹹。配搭嘅白飯吸收咗滷汁，便當簡單而好味。✨#肉羹麵線（微辣） 💰$42 去台灣必食！呢碗肉羹麵線唔會太辣，加埋湯汁一齊食就最好食😻✨#芝士吞拿魚粟米蛋餅 💰$49 呢個月蛋餅嘅外皮煎得香脆，裡面嘅芝士融化得剛剛好，吞拿魚同埋粟米嘅搭配令到味道更加豐富。✨#冰火湯圓 💰$38 呢個湯圓外面係冰凍嘅，裡面嘅餡料係熱嘅，咬落去特別嘅口感，甜度適中。✨#冬瓜茶 💰$9 冬瓜茶清甜，唔會太膩，配餐飲價錢更加抵

慢煮嫩滑雞扒手工滷肉便當慢煮雞扒嫩滑，肉質軟腍入味，咬落有啖啖肉感，滷肉肥瘦平均，醬汁滲入飯粒，撈飯一流，配菜有滷水蛋、粟米、粉絲同醃菜，份量十足慢烤雞腿芝士蛋吐司慢烤雞腿嫩滑多汁，雞肉帶微甜烤香，濃濃芝士拉絲，混埋流心蛋漿，食落滑溜又有蛋香，吐司亦烘得微焦，內裡軟腍，吐司切開成半分別用紙袋裝住，食起上黎幾方便芝士蛋餅芝士蛋餅外皮薄身煙韌，海量芝士熱辣辣拉絲，蛋香十足，配少許甜甜咸咸嘅醬汁點綴，味道唔錯冰火湯圓（清甜桂花刨冰配煙韌湯圓）熱辣辣嘅湯圓放係刨冰上面，呢個甜品都幾有創意，刨冰淋上桂花糖，味道清香，配上煙韌Q彈嘅芝麻餡湯圓，咬落香濃又有層次，冰涼中帶暖意，幾得意凍茉莉茶凍茉莉茶冰涼清新，茶味淡雅，飲落順喉又解渴凍冬瓜茶冬瓜味清新，飲落清爽，唔會太甜口感輕盈

黑布小巷係旺角一間主打台式風味嘅小店，之前食過佢哋其他分店，第一次食旺角嘅呢一間分店喎！味道依然係咁正，雖然餐廳唔係好大間，但係麻雀雖小五臟俱全!! 嘢食選擇都算係唔少，而且嘢食都幾有水準㗎!!.🐷冰火湯圓其實小編第一次見呢一個菜式，覺得幾得意就嗌咗嚟當甜品，不過阿爺上網一睇先知道原來人哋係台式甜品代表，真係孤陋寡聞啊! 湯圓外皮煙韌，內餡甜度適中，冰火交融嘅口感帶嚟驚喜，甜而不膩，好啱夏天食。🐷慢烤雞腿芝士蛋吐司🍞台式早餐風味!!!! 雞腿肉慢烤至香嫩多汁，配上濃郁芝士同滑蛋，吐司外層微脆，味道層次豐富，食落好滿足。🐷雞髀肉蔥油拌麵🍜經典台式拌麵，雞髀肉大大件又嫩滑，蔥油香氣十足，麵條彈牙，簡單卻夠味，帶有地道台灣家常味。🐷芝士吞拿魚粟米蛋餅蛋餅皮薄脆，包住香濃芝士、鮮美吞拿魚同甜甜粟米，味道豐富又有層次！🐷滕椒魚皮🐟魚皮炸得香脆，配上微辣滕椒醬，口感刺激又開胃～ 🐷花枝丸🦑花枝丸彈牙鮮甜，外層炸得金黃香脆，係台灣夜市常見嘅經典小食！～🐷冬瓜茶🥤台式招牌飲品，冬瓜茶清甜解渴，飲落清涼舒爽～.黑布小巷📍旺角廣華街1號仁安大廈地下32B-D舖.#吃貨日常 #香港 #旺角美食 #台式小食

實在太念念不忘呢一間嘅台式蛋餅同埋招牌爆餡吐司🥹！好耐好耐之前曾經去食過荔枝角分店～ 印象記得喺不錯的。咁啱喺旺角區想食台式野，一search原來旺角有分店，就再二訪下～確實係平靚正性價比！最緊要係好食不雷😋～-🥪慢烤雞腿芝士蛋吐司 / $56厚厚的非常之足料！外脆內嫩的吐司夾著多汁嫩嫩的雞肉、芝士配上蛋汁！實在好吃-🐷慢煮厚切豬頸肉手工滷肉便當 / $69很足料的便當！每一塊豬頸肉都係厚切煎的很香脆！配埋醇厚滷肉和滷汁搭配白飯一起吃最正～-💛芝士吞拿魚粟米蛋餅 / $49超足料嘅吞拿魚餡！配埋芝士很滋味！-🦑花枝丸（5粒） / 跟配$28外皮炸過香脆可口！很爽口彈牙～-🥓黑布台灣腸（2條） / 跟配$28香腸外皮極之酥脆！內裡多汁，非常的惹味-🥣冰火湯圓 / $38桂花蜜棉棉冰底微甜凍感～配上煙韌熱熱的湯圓QQ丸子非常彈牙～ 炎熱天氣時來一盤特別合適！

呢間餐廳想食好耐了今日帶大家一試究竟小店座位有限好快滿唔想排隊記得避開啦每個選項都叫左一款慢烤雞腿芝士蛋吐司爆漿蛋黃配流漿芝士脆吐司夾嫩滑雞腿肉食要小心流到成手係芝士吞拿魚粟米蛋餅蛋餅包住爆餡吞拿魚每啖都有魚香好飽肚食完兩樣都飽左一半厚切豬頸肉滷肉便當每舊都接近1cm厚！滷肉夠入味肥而不膩入口即化，送飯一流嚟個冰火湯圓做結尾熱辣軟糯嘅芝麻湯圓細密冰淡嘅桂花刨冰加埋係酸酸甜甜嘅冰敏感牙齒要慎吃🤣！完美嘅一餐食到好飽—————————————————————🔸 慢烤雞腿芝士蛋吐司 $56🔸 芝士吞拿魚粟米蛋餅 $49🔸 厚切豬頸肉滷肉便當 $69🔸 冰火湯圓 $38🔸 黑糖紅棗桂圓薑 +$16🔸 山茶花烏龍茶 +$12🔸 炸花枝丸 $38