成都老碼頭火鍋 (已結業)

呢排開始約返朋友出去食飯，同老友食飯打邊爐就最開心啦！天時開始涼涼地，係時候從麻辣火鍋吸收啲熱量啦。今次就揀咗旺角呢間成都老碼頭。裝潢都係紅鐺鐺，打邊爐一定要飲凍嘢啦，沙冰就最啱啦，我地揀咗水蜜桃沙冰，好飲又解辣！湯底只係點咗成都原味麻辣湯，大家都係嗜辣之人。難得放縱下。配料點咗好多，有幾款特別推介：鵝腸，毛肚，蒙古羊肉，筷子牛肉，吸收麻辣嘅氣息，好正。手工丸都有好多揀，推介龍蝦肉蝦丸，鮮甜彈牙。