鋿晶館

營業中

休息中

細個唔鍾意飲茶 反而大個咗先至識得欣賞點心同小菜 😋 點心好考功夫手藝 🥢 而好食嘅小菜更加要睇火候鑊氣 🔥 今次嚟到旺角嘅鋿晶館 就係想試吓自家製即蒸嘅點心同有米芝蓮經驗師傅嘅手勢啦 💯最鐘意既係《黃金焗中蝦》邪惡嘅鹹蛋黃包住肉質爽口既大蝦 🍤 每啖都係味蕾嘅享受 😍 其實佢蝦既菜式全部都好正 😋 另一個必叫嘅係《月半彎晶瑩鮮蝦餃》大大粒脹卜卜 🥟 入面全部都係蝦肉 🦐 蝦肉仲要係彈牙爽口嘅添《自家脆皮蝦多士》 炸得金黃酥脆 🍞 多士表層鋪滿左白芝麻增添香氣 食完唔會覺得好油膩 😌《黃沙豬膶腸》豬潤口感好似細沙咁 係貨真價實嘅黃沙豬膶 完全唔會有腥味 🐷 腸粉米香滑嫩 簡單嘅配搭加醬油已經好好食 😋《脆皮烤乳鴿》乳鴿外皮酥脆 🍗 烤好既乳鴿油脂適中 唔會有過多既肥膏 🙅‍♀️ 岩晒我嘅胃口 《蟲草花螺片燉湯》既水準不過不失 想飲滋補燉湯又冇時間自己整嘅話 呢度都有唔少燉湯嘅選擇可以止止渴 🥣最後我哋忍唔住叫咗個 《傳統芝麻糕》唔喺度度點心鋪都有黑芝麻糕架 咬落去好似食緊黑芝麻糊緊 有少少沙沙地嘅感覺 🤤 唔會太甜 呢個我都好鍾意 ❤️