Sky726

呢度環境好靚，好有氣氛，幾啱同朋友嚟傾下計，chill下。燒焗南瓜湯伴蟹肉配餐包好香甜，飲落好綿滑，南瓜味好濃郁，仲有唔少蟹肉，增添鮮味意大利手卷意粉伴野菌、辣肉腸及巴馬臣芝士手卷意粉口感好特別，比較煙韌。配料好多，食落味道好豐富，辣辣地，芝士味都幾濃。香煎美國頂級安格斯肉眼扒牛味重，油花豐富，食落好juicy，口感食落軟腍，配搭薯蓉同蘆筍，薯蓉好creamy，好香。火焰朱古力球好特別，打卡一定要叫。呢個時候準備好camera, 店員會用高濃度啲酒精燒朱古力球，外層嘅朱古力會軟化，入面有雪糕同brownie,食落口感好豐富，而且酒味濃郁，鍾意飲酒嘅一定要試！Tropical Teas（fresh orange,fresh lemon,fresh lime,black tea,ginger beer)好清新，唔會好甜，橙味都幾重。