Lab Eat Bistro (豉油街) (已結業)

最近比較忙，要食大餐獎勵吓自己。喺旺角鬧市依間西餐廳，每晚都有供應「海陸空半自助餐」，就喺豉油街，位置好就腳。而週一至週四7:30pm前離座，每位$288，價錢都好抵食。🔶自助區包括有：時令海鮮丶沙律吧丶熱湯丶麵包丶火腿丶煙三文魚丶芝士🧀丶自家製甜品，另外仲有Häagen-Dazs雪糕添🤤。海鮮冷盤係大部份食客嘅首選，有凍蝦🦐蝦丶青口丶翡翠螺等等。食到中途，見到仲有開邊龍蝦添。我平時最鍾意食火腿，除咗有風乾火腿，仲有辣肉腸丶mortadella 等等好幾款，仲有埋哈密瓜粒。🔶主菜朋友點左「忌廉菠菜溫泉蛋卡邦尼意粉」，入口十分creamy，加埋蛋汁特別香口，份量都多。另外我就想鋸扒🤩，點咗五成熟「美國穀飼天然牛板翼扒」(另+$188），火候控制得剛剛好，牛扒粉嫩，肉汁豐富牛味濃💗肉質軟嫩無筋，很有風味。🔶飲品餐酒每杯只係$48，食牛扒配杯紅酒就最好不過啦，另外點了橙汁（$18），都好抵飲。