Sky726

最近去咗好多唔同嘅酒吧餐廳食dinner，但估唔到繁忙嘅旺角都有高空嘅餐廳！居高臨下影相真係覺得特別靚，而且可以瘋狂影相📷今次好幸運可以book到窗邊嘅位置，雖然出面有啲落雨🌧但仍然無阻靚靚心情食晚餐🥣頭盤叫咗個濃郁奶油蠔湯伴魚子醬🤤個湯好creamy!蠔味好鮮好突出，而且魚子醬嘅份量好豐盛。主菜叫咗餐廳recommend嘅燒慢煮16小時辣豬肋骨，成件豬肋骨都好軟熟，切嘅時候骨同肉嘅部份好容易就分開，咬落去都好有口感，肉汁勁juicy❤️另外仲點左虎蝦意大利飯伴龍蝦🦞牛油汁，三隻虎蝦都好肥美，但係Risotto略嫌唔夠硬身，但係整體嘅味道都好濃郁☺️·主菜食得太飽🙈見到隔離枱嘅甜品同埋雞尾酒都好吸引，下次嚟都要試吓，就可以三五知己飲杯嘢傾吓計。呢度仲好artistic，成間餐廳好似一個細細嘅gallery🎨廁所出邊嘅油畫吸引左我好耐，大家下次嚟都留意吓啦😬