Outdark (飛達商業中心)

營業中

休息中

一段時間沒食Outdark，好掛住佢嘅豬手同烤牛肉，咁揾FD encore啦。Outdark一如既往好full，7點到咗店，已經入座9成，成間店已經裝飾聖誕風，好得意。蜜桃蘇打，蘇打同蜜桃味balance得好好，唔會覺得成杯嘢飲好甜，不過搭配豬手食就一流。豬腳（normal size），normal size大到已經夠晒兩個女仔食。FD沒係哩間餐廳食過豬腳，豬腳黎到睇到咁大一盆都好surprise。豬腳配料好豐富，有豬腳，生菜，青紅椒圈，蒜片同韓式辣醬。豬腳已經預先醃制，唔洗點醬已經好夠味。豬腳加埋生菜，蒜片同辣醬一齊食又係另一種風味。哩間豬腳真係煮得好好，肥瘦相間，豬皮勁Q彈，食幾多都唔覺得肥膩，勁like！韓式烤牛肉又係我另一個最愛，牛肉预先醃制過，同埋烤得啱啱好，食落好嫩同好鮮甜，仲帶有少少燒烤味，好味。配料有我最鐘意食啲酸黃瓜，辣椒同韭菜，每一款都係酸甜口味，食肉食得多得滯，有兩啖菜食食都幾滿足。FD就勁鐘意食上面啲年糕，嗦咗韓式辣醬味道，又有少少鑊氣，食到停唔落口。最後食到超飽終於食晒，Outdark啲份量真係勁大，FD都係覺得哩間餐廳超抵食。