因為加咗$108升級套餐，所以就可以有$1韓國直送嘅醬油蟹拼盤一份，醬油蟹同蝦都爆晒膏，$1就食到，超級抵😎 如果唔揀呢個優惠，可以選擇免費原塊安格斯西冷牛扒，或者每位兩隻松葉蟹腳🦀
套餐有肉類同熟食各18款，升級後仲有15款海鮮同11款刺身，我試咗以下呢幾款食物，都值得推介😋 我幾鍾意澳洲草飼黑安格斯封門柳、韓式牛肋骨、韓式豬頸肉、韓式八爪魚仔、海虎蝦、三文魚鰭同扇貝🐚 刺身都幾厚切，食埋韓式嘅炸物就更有韓國風味啦，韓式泡菜煎餅同炸雞都幾正🇰🇷
烤肉配酒精飲品就最夾啦，有多款啤酒、韓國燒酒同埋汽水，自助吧仲有蔬果、韓式前菜、甜品可以拎，真係好多款式啊🤩
我哋4位入面有位今個月生日嘅朋友，所以餐廳送咗份蛋糕俾我哋慶祝，係開心果千層蛋糕，味道都唔錯㗎🧐
想更加抵食嘅話，七點前離座或者九點後入座可以每位減$40，60歲以上嘅樂齡人士仲可以有85折優惠，呢度真係大件夾抵食啊🤨
