影片
更多
2019-05-12
235 瀏覽
👭青花 (旺角)👭1⃣冬蔭炸雞翼 $78固名思義就係有冬蔭公味既炸雞翼，雞翼尺寸好大，表皮沾滿趣卜卜口感既炸漿，內裡既雞肉好嫩滑又充滿微酸及辣既肉汁，而且1客有6隻，都幾新奇又抵食😆2⃣天多尼烤雞。斑蘭青咖哩 $108入到泰國菜冇理由唔試咖哩掛😝初頭只係睇到係一碟青bb既咖哩配埋一塊烤雞扒，但食落竟然另有驚喜😱❤咖哩既辣中帶有一絲絲椰汁甜味，花生碎增加左口感。墊底嘅蔬菜分別有茄子、秋葵同草菇，吸晒咖喱汁變得非常惹味🤤烤雞扒肉質結實，沾上咖喱汁既雞肉令38好想叫碗白飯撈黎食！3⃣蒜蓉包 $48一份會有5大塊蒜蓉包，一塊都有成手掌既長度！蒜蓉包最講究嘅係邊位烤得夠唔夠脆，同埋香蒜味道夠唔夠香濃😋呢一塊完全滿足到以上既要求😍用嚟點咖哩超級好味！！！4⃣醉鬼炒粿條 $108鍾意食辣既38睇到餐牌上寫住4隻🌶既炒粿條，就決定要order黎試下!炒粿條一上枱即刻令38嘩一聲，粿條份量好多，豬肉似係五花肉而且有成8-9件，一啲都唔hea你。粿條食落係十分煙韌既幼河粉，而且每一條都吸滿辣醬，鍾意食辣既朋友必試😘5⃣芒果糯米飯 $78第一眼見到已經比佢紫藍色既糯米飯吸引住😍熱辣辣既糯米飯食落好煙韌，又帶有好濃既椰
1⃣冬蔭炸雞翼 $78
固名思義就係有冬蔭公味既炸雞翼，雞翼尺寸好大，表皮沾滿趣卜卜口感既炸漿，內裡既雞肉好嫩滑又充滿微酸及辣既肉汁，而且1客有6隻，都幾新奇又抵食😆
2⃣天多尼烤雞。斑蘭青咖哩 $108
入到泰國菜冇理由唔試咖哩掛😝初頭只係睇到係一碟青bb既咖哩配埋一塊烤雞扒，但食落竟然另有驚喜😱❤咖哩既辣中帶有一絲絲椰汁甜味，花生碎增加左口感。墊底嘅蔬菜分別有茄子、秋葵同草菇，吸晒咖喱汁變得非常惹味🤤烤雞扒肉質結實，沾上咖喱汁既雞肉令38好想叫碗白飯撈黎食！
3⃣蒜蓉包 $48
一份會有5大塊蒜蓉包，一塊都有成手掌既長度！蒜蓉包最講究嘅係邊位烤得夠唔夠脆，同埋香蒜味道夠唔夠香濃😋呢一塊完全滿足到以上既要求😍用嚟點咖哩超級好味！！！
4⃣醉鬼炒粿條 $108
鍾意食辣既38睇到餐牌上寫住4隻🌶既炒粿條，就決定要order黎試下!炒粿條一上枱即刻令38嘩一聲，粿條份量好多，豬肉似係五花肉而且有成8-9件，一啲都唔hea你。粿條食落係十分煙韌既幼河粉，而且每一條都吸滿辣醬，鍾意食辣既朋友必試😘
5⃣芒果糯米飯 $78
第一眼見到已經比佢紫藍色既糯米飯吸引住😍熱辣辣既糯米飯食落好煙韌，又帶有好濃既椰漿味，表面更有椰肉同杏仁增添口感。芒果肉帶有酸味，但又出奇地同甜味既糯米飯一拍即合🤩。但38覺得芒果既尺寸可以切得細啲，咁樣會方便啲進食😎
6⃣鮮熱情果梳打 $36
呢間餐廳顛覆咗38對熱情果梳打既印象👍🏾一直以黎38心目中既熱情果飲品=勁甜既飲品，點知呢到既係剛好既甜帶有微微既酸，加上既梳打既氣令人感覺好清爽，推介大家一試😆
如果大家想試既話記得要預先訂位，walkin唔知會唔會無位，因為38係閒日去既，見餐廳7點都已經接近全滿，所以記得預先訂位啦😆
推薦度：8.5/10
🏠旺角奶路臣街17號The Forest 1樓107-108號舖
🕐12:00noon-10:30pm
張貼
