阿久根和牛立燒店 (已結業)

本身鍾意食和牛嘅我！知道旺角啱啱新開左間立食和牛可以$10幾元食到一件、自己點自己揀食幾多任你點、仲要有好多和牛的不同部位可以揀、平時真係好少食到牛嘅其他部份！所以今日就親身去試吓。來到見到舖位原來不是很大、有10幾個企位、但係都唔理啦、即刻攞張紙點食、職員講全部都係用靚嘅和牛、咁我就真係要試吓先知.......$12一件每件都切得唔係太細尚算可接受、我就點左大概10件、味道同品質都係和牛嘅水準、比較重要嘅係、佢有唔同嘅味粉去點、呢度係出面比較少有！仲有我試左生食嘅和牛、味道都真係幾新鮮、我都係第一次生食、整體來講用咁嘅價錢食到和牛都可以不妨一試！唯一係睇吓你喜唔喜歡企係度食嘢！