影片
更多
2020-07-02
208 瀏覽
#肥doi遊旺角.前幾日肥Doi愛隊終於登上高峰，佢拎左件波衫出旺角整，順便就試下呢間越南野～-《SET L A 招牌無骨雞配黃薑飯》$89海南雞飯無配三寶(即蔥油、甜豬油同泰式辣醬)，反而係將蔥油同炸蒜放係雞上面。傳統既油飯亦都換上黃薑飯，飯煮得唔會好濕好糊，粒粒分明兼有好濃既黃薑味，但建議如果加啲炸蒜會更加好。海南雞有已去骨雞胸同雞翼雞鎚各一。廚房浸雞既時間掌握得幾好，唔會過長令到啲雞肉起渣同鞋口，雞皮亦保留到少少爽脆。唯獨係有有舊既接駁位斬唔斷又咬唔開，要扣少少分！.《牙車快沙律》沙律內有青瓜、紫洋蔥、生菜、少量柚子同手撕雞，可能預先淋上撈檬既酸辣汁，酸酸辣辣開胃一流，但始終手撕雞既黑椒味太重，蓋過沙律菜既味道。《手撕雞檬紙卷》檬紙皮包住大量生菜、蘿蔔絲等蔬菜，面頭再放上充滿黑椒既手撕雞，但食落略嫌黑椒味太重，味道一般。.《自家製 沙嗲串燒 撈檬粉》$72沙嗲醬較得唔錯，花生味濃，有啲似印尼沙嗲，但用黎撈檬粉有啲奇怪。牛串燒比較失望，牛肉太薄稍為overcook搞到有少少韌，而且食落似食緊炸雞皮多過似食牛肉。豬串燒同雞串燒比較好，唔會好好韌好難咬開或者用叉分開，但講真合埋眼食既話
.
前幾日肥Doi愛隊終於登上高峰，佢拎左件波衫出旺角整，順便就試下呢間越南野～
-
《SET L A 招牌無骨雞配黃薑飯》$89海南雞飯無配三寶(即蔥油、甜豬油同泰式辣醬)，反而係將蔥油同炸蒜放係雞上面。
傳統既油飯亦都換上黃薑飯，飯煮得唔會好濕好糊，粒粒分明兼有好濃既黃薑味，但建議如果加啲炸蒜會更加好。
海南雞有已去骨雞胸同雞翼雞鎚各一。廚房浸雞既時間掌握得幾好，唔會過長令到啲雞肉起渣同鞋口，雞皮亦保留到少少爽脆。唯獨係有有舊既接駁位斬唔斷又咬唔開，要扣少少分！
.
《牙車快沙律》沙律內有青瓜、紫洋蔥、生菜、少量柚子同手撕雞，可能預先淋上撈檬既酸辣汁，酸酸辣辣開胃一流，但始終手撕雞既黑椒味太重，蓋過沙律菜既味道。
《手撕雞檬紙卷》
檬紙皮包住大量生菜、蘿蔔絲等蔬菜，面頭再放上充滿黑椒既手撕雞，但食落略嫌黑椒味太重，味道一般。
.
《自家製 沙嗲串燒 撈檬粉》$72沙嗲醬較得唔錯，花生味濃，有啲似印尼沙嗲，但用黎撈檬粉有啲奇怪。
牛串燒比較失望，牛肉太薄稍為overcook搞到有少少韌，而且食落似食緊炸雞皮多過似食牛肉。
豬串燒同雞串燒比較好，唔會好好韌好難咬開或者用叉分開，但講真合埋眼食既話好難分到係食緊豬定雞。
整體黎講呢個撈檬有少少失望！
.
《越式 秘製 豬頸肉》$58第一眼望落去幾靚仔，不過外皮烤得有啲乾，有啲似肉乾咁一絲絲，入面既肉烤得幾滑，可能係因為肉質本身偏肥，同埋食到尾都發現幾多油，味道黎講就偏咸，用黎配飯都ok，就咁食就唔太好！
《越式奶茶》$12（跟餐）茶底幾厚，每啖飲完個喉嚨都有啲漿住漿住既感覺。味道唔似泰式奶茶咁甜，有啲似港式奶茶但走甜。
-
👅味道：7/10
🍱賣相：7/10
.
🏠環境：8/10
座位都寬闊既，坐落都幾舒服，有足夠的防疫措施配合！牆上有不同具香港特色既牆飾同埋老闆既廚藝獎項！
.
⭐️總評分：7.5/10
整體黎講都算ok既，我地星期日去食，夜晚去食都仲有套餐，海南雞個set仲有兩款小食加野飲，感覺上都幾抵，經開既都可以一試🙂
張貼
