影片
更多
2022-04-30
70 瀏覽
今次係疫情後首踏旺角，放工後可以出街食飯嘅感覺太好了🥲行經過見番呢間大學時期經常到訪嘅餐廳，決定再賭佢嘅風采，懷念一下。不過可能係星期四夜晚嘅關係，勁多人排隊😂不過好彩佢樓面都大，好快疏導到個人流😌坐低已經極肚餓，餐牌都冇咩點睇，直接揀咗幾樣食泰菜必點嘅餸！😎泰式炒金邊炒食泰菜老是常出現但又一定要有嘅一道菜😆金邊粉顏色好靚，全碟嘅粉連配菜都有一個橙黃色嘅colour tone，如果有埋雞蛋包住會更好！鍾意佢唔會太油，唔怕食到一半頂胃，仲要大大份，唔怕唔夠飽☺️燒豬頸肉另一個好高質嘅小食！豬勁肉勁鬆軟爽口，唔會燒到好似牛肉乾咁。再點埋靈魂所在嘅辣汁，消咗層肥膩感，剛剛好！飛天通菜食完堅飛天，辣到飛天🤣我會話辣椒多咗少少🤏但無疑係好惹味嘅，配埋個金邊粉食就冇咁辣🤣不過，唔辣就唔係泰菜啦😎泰式明爐烏頭魚等咗成晚嘅highlight🥹一向都唔鍾意食魚，驚會腥。但因為呢種煮法用咗好多香料去整個湯底，所以絕對接受到。上菜嗰下勁澎，啲料多到就滿瀉。最鍾意食啲菇同芹菜，完完全全吸收哂條魚同個湯嘅精華。佢仲有配埋一個酸辣醬俾我哋點條魚食，覺得腥就可以狂點🤣餐廳見我哋有點魚，仲好細心咁幫哋由細枱轉大檯，費事
坐低已經極肚餓，餐牌都冇咩點睇，直接揀咗幾樣食泰菜必點嘅餸！😎
泰式炒金邊炒
食泰菜老是常出現但又一定要有嘅一道菜😆金邊粉顏色好靚，全碟嘅粉連配菜都有一個橙黃色嘅colour tone，如果有埋雞蛋包住會更好！鍾意佢唔會太油，唔怕食到一半頂胃，仲要大大份，唔怕唔夠飽☺️
燒豬頸肉
另一個好高質嘅小食！豬勁肉勁鬆軟爽口，唔會燒到好似牛肉乾咁。再點埋靈魂所在嘅辣汁，消咗層肥膩感，剛剛好！
飛天通菜
食完堅飛天，辣到飛天🤣我會話辣椒多咗少少🤏但無疑係好惹味嘅，配埋個金邊粉食就冇咁辣🤣不過，唔辣就唔係泰菜啦😎
泰式明爐烏頭魚
等咗成晚嘅highlight🥹一向都唔鍾意食魚，驚會腥。但因為呢種煮法用咗好多香料去整個湯底，所以絕對接受到。上菜嗰下勁澎，啲料多到就滿瀉。最鍾意食啲菇同芹菜，完完全全吸收哂條魚同個湯嘅精華。佢仲有配埋一個酸辣醬俾我哋點條魚食，覺得腥就可以狂點🤣
餐廳見我哋有點魚，仲好細心咁幫哋由細枱轉大檯，費事擺唔哂啲嘢食🥰而且上菜速度都好快，好適合我呢啲餓鬼，點完勁快有得食😋
張貼
