阿來泰式地道風味

營業中

休息中

地址－阿來泰式地道風味旺角通菜街97號地舖💋阿來海南雞飯，呢碟飯D雞份量都唔少，油飯好香，但又唔會太油，D雞好貼心地已經預先去骨，雞肉幾嫩滑，佢個泰式醬香料味好重，配埋D雞一齊食，味道提升唔少，正。💋紅咖哩雞配蒜茸包，佢呢個紅咖哩D汁多到一個點！雖然好多，但味道都係好濃郁，而且配料又係非常地豐富，勁多雞肉同埋菠蘿，間中食下菠蘿感覺都幾清新，而佢個蒜茸包雖然要時間等待，但係值得的，佢個包係勁！脆！蒜香味濃，用佢蘸咖哩汁絕對係最佳之選！💋泰式SUKI海鮮炒粉絲，平時好少食到泰式炒粉絲，今日就試下，佢D料係勁多，感覺直頭比粉絲更多！佢D海鮮有蝦同魷魚，食落都幾彈牙，數量又唔少，而佢更加入唔少通菜，食落健康好多，而粉絲食落帶點酸味，幾特別。💋冬蔭功湯(小)，佢呢個湯份量剛好，2個人都大約分到2碗左右，而佢算係我飲過的冬蔭功中排頭幾名最濃之選，一睇內容就知道，勁多配料，係呢碗唔算大的湯中居然有三隻蝦，真係幾足料下，而味道香濃，辣辣地，又酸酸地咁，好正。