今日下午開旺角, 好耐都冇試過掃街了, 應該以年計啦! 見到呢間豆花妹岩岩開舖, 用豆腐花製作招來好似幾得意喎, 不過呢度無位坐, 要企係度食, 唔緊要啦, 好彩係商場裡面.
我叫左個豆花米線, 個醬有D似台灣肉燥味, 再加上蔥花, 豆腐花同米線一齊, 我都係第一次食! 又幾好食喎, 幾個味都好夾, 個豆花又夠香滑.
叫左杯柑桔話梅蜜, 真材實料喎, 真係有粒話梅, 生津解渴, 又唔太甜, 好飲!
另外叫左小食, 分別有醉雞, 炸雞, 呢兩個味道OK.
再叫左甘薯條, 嘩, 呢個真係好得! 無得頂! 小妹係蕃薯怪, 真係唔係度度有得食呢個, 佢上面仲嬸左D調味粉, 好惹味呀!! 值得推介!
1
