部屋咖啡室

去部屋咖啡室唔單只為食嘢，最緊要係有個舒服嘅空間可以坐低傾吓計玩吓。佢嘅位唔多，去之前最好預約。有好多桌上遊戲可以攞嚟玩我嚟親都係點意粉，基本食品煮得唔錯嘅，仲可以跟餐加點飲品同埋小食。跟餐加點1-4號小食只需要$25，麥樂雞似乎用氣炸鍋整嘅冇咁油健康啲半自助形式，員工攞咗餐牌過嚟之後我哋自己點餐自己寫白板撳鐘仔之後員工就會過嚟收白板落單，佢唔需要咁多人手又減少接觸。最低消費一人一杯飲品或者一個套餐，漢堡包餐係冇得加配飲品同埋小食嘅。烤雞蘑菇寬條麵，有幾多雞肉，個醬汁都幾好食。餐加$30點左水果茶，夠兩個人飲個自製漢堡包都幾足料，件肉餅都幾厚，配埋波浪炸薯條，份量好夠。食完可以坐低繼續傾偈玩遊戲，過個放鬆嘅下晝。