吉壽日本料理 (已結業)

行開旺角既朋友，一講起放題，心入面都會自然聯想到幾個名，而其中一間，當然係「吉壽」啦！未聽過佢個名既朋友，就等我為大家介紹下呢間，性價比高，歷史又悠久(當年中學雞已經幫襯，利申已工作一段時間)既放題點啦！食放題指定動作，當然係個刺身拼盤熱下身，兼影相打個卡。刺身既賣相精緻，師傅仲將d魚生砌左朵花，值得一讚佢既貼心。所有刺身全部都好新鮮，切得夠大塊，份量都跟足你落單咁比。我本人最推薦就係三文魚(絕對唔係個隻大陸垃圾虹鱒)，劍魚腩(爽口，肥美)同帶子(夠大粒，又夠鮮)！至於壽司方面，我個人鐘愛火灸壽司，所以五款都覺得無得彈！要係入面選的話，我會選蟹棒同鵝肝帶子！除左刺身同壽司，其他熟食係放題亦都係好重要既一環！不過花多眼亂既時候，我就選左我最鐘意既兩樣黎推介：焗元貝同浦燒鰻魚。對比以前食，焗元貝改左用錫紙托黎裝，雖然爽度減左，但料同味道都係保持以前食既一樣，唯一解釋到係省位左啦！至於浦燒鰻魚，佢雖然賣相麻麻，但味道認真一流而且夠抵食，平時出面食，70蚊個定食先得兩塊仔，宜家比你叫到夠，爽！最後，就係講講野飲、小食同甜品！野飲成間便利店咁，只差在你係度可以任飲！識玩應該會喪飲忌廉鮮奶。如果呢