麻辣香鍋

營業中

休息中

今日同朋友行開旺角，突然好想食辣嘢，search到砵蘭街有間川菜館，所以去試吓！🔥「川香鮑魚雞煲」（香辣）揀咗半隻雞，果然冇令人失望！雞肉份量多，個汁好惹味，辣度啱啱好，仲跟咗三隻新鮮鮑魚，爽口彈牙！🥢「乾扁四季豆」炒得夠鑊氣，四季豆爽脆，仲落咗少少肉碎同辣椒吊味，鹹香惹味，送飯一流！🐟「金湯酸菜魚」湯底金黃濃郁，酸菜酸爽開胃，配料超級豐富：有薯粉、萵筍、白蘿蔔、雞髀菇、鮮冬菇同蘑菇仔，而且全部吸晒湯汁精華。最欣賞係用咗無骨魚片，啖啖肉又滑溜，唔使擔心啃骨，食得超舒服！🍚食啲咁惹味嘅餸，就好自然要配白飯，撈下雞煲啲辣汁、酸菜魚湯、乾扁四季豆嘅肉碎！總結：味道唔錯，價錢合理，地點就腳。