影片
更多
2018-07-29
1694 瀏覽
今晚喺旺角鬧市之中食咗環境好靚嘅西餐! Sky726 坐落旺角726大廈，我都係第一次係呢座大廈食晚飯，估唔到呢一座大廈有咁多嘢食！酒吧內部環境幾靚，因為位於25樓而面大路，外面環境都好開揚。本身餐廳都有set，不過大家都想試啲特別啲野食，尤其小食，所以散叫。湯就叫左南瓜忌廉湯同蕃茄忌廉湯，好香甜同好濃南瓜蕃茄味，配埋啲鬆軟牛油麵包好正！呢到啲小食幾特別，有：墨西哥燒粟米，燒到熱辣辣，甜甜地少少辣，幾惹味！芝士釀墨西哥辣椒，芝士香加埋已去籽小小辣的墨西哥辣椒，仲炸得好香脆，呢款小食大愛！西班牙辣肉腸，小小甜辣大量嘅辣肉腸， 仲有好多配菜當菜食都得！面頭呢三塊烘到超脆嘅多士，加埋啲辣肉腸同埋啲汁一齊食都幾好。主菜叫泡菜雜菌意粉，配料超級多有大量泡菜同埋野菌！另外仲有燒原隻慢煮墨西哥春雞，慢煮方式所以肉質好嫰滑！ 半隻蒜頭烤熟，呢個方式煮的蒜頭非常香甜，食多幾粒都唔怕！甜品叫左份朱古力心太軟開心分享，配左個雲尼拿雪糕，個雪糕好清香好重雪尼拿味，唔會好甜。呢度係酒吧，點都要點返杯cocktail 試下先。Blueberry mojito，有別一般mojito，呢杯一睇個樣都知非常精彩，超多料
酒吧內部環境幾靚，因為位於25樓而面大路，外面環境都好開揚。
本身餐廳都有set，不過大家都想試啲特別啲野食，尤其小食，所以散叫。
湯就叫左南瓜忌廉湯同蕃茄忌廉湯，好香甜同好濃南瓜蕃茄味，配埋啲鬆軟牛油麵包好正！
呢到啲小食幾特別，有：
墨西哥燒粟米，燒到熱辣辣，甜甜地少少辣，幾惹味！
芝士釀墨西哥辣椒，芝士香加埋已去籽小小辣的墨西哥辣椒，仲炸得好香脆，呢款小食大愛！
西班牙辣肉腸，小小甜辣大量嘅辣肉腸， 仲有好多配菜當菜食都得！面頭呢三塊烘到超脆嘅多士，加埋啲辣肉腸同埋啲汁一齊食都幾好。
主菜叫泡菜雜菌意粉，配料超級多有大量泡菜同埋野菌！
另外仲有燒原隻慢煮墨西哥春雞，慢煮方式所以肉質好嫰滑！ 半隻蒜頭烤熟，呢個方式煮的蒜頭非常香甜，食多幾粒都唔怕！
甜品叫左份朱古力心太軟開心分享，配左個雲尼拿雪糕，個雪糕好清香好重雪尼拿味，唔會好甜。
呢度係酒吧，點都要點返杯cocktail 試下先。
Blueberry mojito，有別一般mojito，呢杯一睇個樣都知非常精彩，超多料。
另一杯係mocktail Tropical tea果茶！
食物唔錯，環境又靚，唔怪得夜小小咁爆場！
張貼
