影片
更多
2018-08-17
71 瀏覽
2018.8.12(星期日）今日同老公行旺角，見到呢間街坊cafe好似幾好味咁，亦好多人食，門口又掛住新假期必吃食店大獎2018，於是決定會一會它！店內裝潢好香港地道，真係有種街坊感覺環境都幾好幾乾淨，座位都好舒適！我地叫左個日本熊本霜降西冷二人餐$398首先，餐湯選左黑松露野菌忌廉湯+$28。個湯一上枱，我們都嘩一聲！個湯好特別好港式地道，係用沙鍋盛載的！而且仲好大鍋，味道方面，好濃香黑松露味，而且仲好有菇菌粒粒口感！好味頭盤係吞拿魚蟹籽沙律，好fresh！到左個主角出場《日本熊本霜降牛西冷》，擺盤依舊港式味濃！牛扒好嫩好淋，但略嫌扒味不夠濃！不過就好新鮮口感夠！薯菜稍嫌不夠香脆！但配菜茄子同豆角都好夠juicy!另一個主菜就選左《香草海鮮意大利粉》，意粉味道好正好creamy，亦好足料。甜品就選左<Tiramisu吉士法國西多士伴雪糕> 甜品份量算得上extra large。雖然係好肥仔，但個西多士好夠香脆，底下舖左層棉花糖，面頭係tiramisu醬同爆谷，配埋雪糕味道好夾。係個爆谷已經淋左，不夠香脆！飲品就選左藍蝶花系列，我選左《我的宣言》，係白桃加玫瑰，好夾好味
今日同老公行旺角，見到呢間街坊cafe好似幾好味咁，亦好多人食，門口又掛住新假期必吃食店大獎2018，於是決定會一會它！
店內裝潢好香港地道，真係有種街坊感覺環境都幾好幾乾淨，座位都好舒適！
我地叫左個日本熊本霜降西冷二人餐$398
首先，餐湯選左黑松露野菌忌廉湯+$28。個湯一上枱，我們都嘩一聲！個湯好特別好港式地道，係用沙鍋盛載的！而且仲好大鍋，味道方面，好濃香黑松露味，而且仲好有菇菌粒粒口感！好味
頭盤係吞拿魚蟹籽沙律，好fresh！
到左個主角出場《日本熊本霜降牛西冷》，擺盤依舊港式味濃！牛扒好嫩好淋，但略嫌扒味不夠濃！不過就好新鮮口感夠！薯菜稍嫌不夠香脆！但配菜茄子同豆角都好夠juicy!
另一個主菜就選左《香草海鮮意大利粉》，意粉味道好正好creamy，亦好足料。
甜品就選左<Tiramisu吉士法國西多士伴雪糕> 甜品份量算得上extra large。雖然係好肥仔，但個西多士好夠香脆，底下舖左層棉花糖，面頭係tiramisu醬同爆谷，配埋雪糕味道好夾。係個爆谷已經淋左，不夠香脆！
飲品就選左藍蝶花系列，我選左《我的宣言》，係白桃加玫瑰，好夾好味，而老公就選左《一加一》，係菠蘿加芒果，亦好飲。最緊要賣相靚，好優雅的紫色，而且仲好大杯。
總括而言，呢餐真係好大份又抵食的二人餐！三個人share都夠食，味道好味夠港式地道，大件又夾抵食！
張貼
