泰廚泰國菜館

營業中

休息中

嚟到旺角想食泰國嘢通常都會食呢間因為次次嘅質素都非常之高質而且啲嘢食大分夾抵食價錢都仲係出面嘅三分之一已經可以食到好多嘢海鮮冬陰功湯適合兩至三個人飲入面有好多海鮮例如蝦蜆青口等等，仲有其他配料例如魷魚同埋菇等等非常知足料。冬陰功入面仲見到有好多香料例如香茅等等又融入埋海鮮嘅味道非常之開胃酸酸辣辣。泰式炒金邊粉一上枱已經熱辣辣救獲戲加上份量非常之多兩個人食完基本上已經飽咗一半入面有好多唔同嘅配料例如豆乾鮮蝦都有三至四隻雖然佢唔會炒到太濕，但係食落都幾彈牙同埋濃味旁邊仲可以加上泰式辣椒粉等等會更加好味。蒜蓉包30幾蚊就有六件大大嚿呢個價錢非常之抵食因為正常可能剩係得三至四件。而且最重要的是即整，唔會凍左。味道方面都唔會太淡，絕對抵食。沙嗲串燒絕對是晚市必食之選，雞肉和牛肉嘅肉質都非常之肥美，而且食到燒得啱啱好，面頭脆脆地，入面啱啱好鎖死晒啲肉汁，所以非常之嫩滑同埋容易咬。另外沙嗲汁都幾好，花生醬嘅味道非常之濃郁。最後職員嘅服務態度非常之好而且上餐服務都幾快最好嘅位係上枱全部食物都係熱辣辣。