部屋咖啡室

之後係登打士街食過2間cafe，質素都唔錯，今次食呢一間，主打手工pizza，而且見環境都唔錯，佢既裝修比人一種好溫馨既感覺，有d公仔放側面，細細間座位唔算多，咁岩早去無咩人就試一試。呢間安排好得意，原來落單係自己用marker寫落白板。二人套餐（$308）西西里pizza落完order就見到廚房即整。佢既份量剛剛好，係中size，一客有6件。呢個配搭係穩陣之選，茄醬酸甜加埋辣肉腸，夠曬惹味。再配埋蘑菇就口感再豐富d。黑松露雜菇意大利飯黑松露味道都幾出，加埋海鮮菇同白汁，好creamy，加左少少豆苗係面，就可以解膩，食多2啖都唔會太快濟炸蟹餅一上枱個陣外型以為係麥樂雞，個樣好似，但食落幾彈牙，外面卜卜脆，好飽滿，而且加埋酸辣醬，做開胃小菜唔錯，如果唔怕熱氣會食多2件