部屋咖啡室

今日約左好耐無見既朋友去到旺角，去登打士街廣場上面間樓上Cafe睇吓。呢度係我同好多大學同中學同學嘅回憶，以前都會成班人嚟玩board game好開心，仲有啲嘢食係幾好味，坐下又一個晚上❤️今日再返嚟感覺都係好熟悉，啲座位依然都係好大好舒服，唔使同人迫，好有去左朋友屋企玩嘅感覺野食方面我覺得呢個虎蝦茄醬意粉好好味，仲要啲意粉嘅口感係我鍾意嘅偏硬口感，唔會話好林小食我哋就叫咗蜜糖雞翼、炸魷魚鬚、芝士焗西蘭花🥦 全部都質素OK嘢飲推介奇異果沙冰，特飲得來又唔會話好肥，雖然朋友叫嗰杯朱古力真係好邪惡好好味🥲🥲 食飽咗仲可以好休閒咁喺度坐或者玩board game，不過要留意嘅就係如果想上嚟食嘅話就記得book定位！