AnyMomentCafé

營業中

休息中

今晚同朋友去咗旺角一間樓上Cafe，環境好Chill，仲有桌遊玩，超適合聚會！主菜點咗兩款螺絲粉，真心唔錯。地中海香蒜雞柳螺絲粉，蒜香濃郁，雞柳嫩滑唔柴，螺絲粉掛汁力滿分。匈牙利雜菜燉豚肉螺絲粉更驚喜，醬汁酸甜開胃，雜菜同豚肉燉到超入味，真材實料。小食叫咗瑞士雞翼，6隻大大隻，啖啖肉，滷得夠淋又入味！飲品方面，店員見我喉嚨唔舒服，推介咗特制潤喉茶，飲落甜甜哋，飲完有陣清涼回甘，喉嚨即刻舒服晒。朋友試咗香滑朱古力，口感順滑，濃郁得來唔會太甜，清涼又滿足。整體嚟講，食物味道有驚喜，餐廳環境輕鬆，服務又貼心，係個傾計玩樂好去處。