R.I.M.K (已結業)

旺角出名多野食，之前都推薦過好幾間美味餐廳，今日去食既呢間高質cafe一樣位於係旺角，快快手同大家推薦下先！香草蜜糖無激素雞翼🐔雞翼外皮金黃色，焗到脆卜卜，內裏下嫩滑，外邊裹上一層甜甜嘅蜜糖，好好味！櫻花龍蝦湯🦞呢個湯有少少辣辣地，龍蝦味濃，而且湯裡面有一粒粒龍蝦碎增加口感，不錯！招牌名古屋蒲燒鰻魚蛋包意大利飯🍛呢個超級足料，鰻魚超大條，蛋包飯嘅蛋好嫩滑，義大利飯好煙韌有咬口，而且係加芝士一齊煮既，所以好香濃既芝士味，成個菜層次感好豐富，好好味！不過略嫌食到後面有少少滯，所以最後都係食唔曬啲飯🙈鍾意食鰻魚既一定要叫呢個！超滿足！蒜香辣椒蜆肉意粉配軟殼蟹🦀️呢個都幾特別，出面好少食到呢個搭配，軟殼蟹炸到好脆身，蒜香味濃郁，而且用辣椒煮個意粉汁好特別！另外，呢間餐廳環境都好好，坐位闊落地方整潔，而且裝修好靚好啱打卡！週末同朋友來食個飯傾下計既話可以考慮呢度呀！