影片
更多
2022-10-13
39 瀏覽
跟朋友在旺角行完街，就去瓊華中心搵食。好耐無食過泰國菜，就簡左間新開的餐廳。 入到去全新裝修，用綠色、金屬及木系設計，簡單得來帶點高貴。店員非常親切介紹菜式。比較大食嘅我哋唔想諗，就直接叫了晚市二人套餐 $582。明爐冬蔭功海鮮湯（小辣）用泰式火鍋載住熱辣辣嘅泰式冬蔭公湯，一邊煲一邊飲，熱辣辣，鮮味盡出。 酸酸甜甜超好飲，好濃海鮮同磨菇鮮味。 青木瓜沙律木瓜沙律超清新，超多木瓜絲，酸酸甜甜，再陪上生菜，好健康。 泰式沙嗲4串 （豬 x 2, 牛 x 2)豬肉燒到剛剛好，皮燒到脆脆、肉質好爽口，好重豬味。 牛肉配上沙嗲醬超好味，牛肉亦燒到剛剛好，唔鞋。 原條青檸明爐烏頭魚用一個傳統泰式載魚嘅鐵鍋載著，食嘢打卡必叫。湯底超重香矛味，入面仲有放入西蘭花、魷魚、磨菇、藍青口作配菜。泰式炒雜菜估唔到抄雜菜咁大碟。將各種疏菜，如椰菜片、西蘭花粒、紅蘿蔔條、豆角、小粟米同翠肉瓜加入泰式醬料抄埋一碟，非常惹味。 泰式鮮蝦炒金邊粉泰式金邊粉炒到超香，吸收晒蝦肉嘅鮮味。酸酸甜甜非常開胃，如覺得太甜嘅朋友，可加青檸汁落粉內中和甜味。菠蘿梳打 （少冰）菠蘿梳打，超足及超重菠蘿味。 再加埋梳打水有汽泡好似飲緊菠
入到去全新裝修，用綠色、金屬及木系設計，簡單得來帶點高貴。
店員非常親切介紹菜式。比較大食嘅我哋唔想諗，就直接叫了晚市二人套餐 $582。
明爐冬蔭功海鮮湯（小辣）
用泰式火鍋載住熱辣辣嘅泰式冬蔭公湯，一邊煲一邊飲，熱辣辣，鮮味盡出。 酸酸甜甜超好飲，好濃海鮮同磨菇鮮味。
青木瓜沙律
木瓜沙律超清新，超多木瓜絲，酸酸甜甜，再陪上生菜，好健康。
泰式沙嗲4串 （豬 x 2, 牛 x 2)
豬肉燒到剛剛好，皮燒到脆脆、肉質好爽口，好重豬味。 牛肉配上沙嗲醬超好味，牛肉亦燒到剛剛好，唔鞋。
原條青檸明爐烏頭魚
用一個傳統泰式載魚嘅鐵鍋載著，食嘢打卡必叫。湯底超重香矛味，入面仲有放入西蘭花、魷魚、磨菇、藍青口作配菜。
泰式炒雜菜
估唔到抄雜菜咁大碟。將各種疏菜，如椰菜片、西蘭花粒、紅蘿蔔條、豆角、小粟米同翠肉瓜加入泰式醬料抄埋一碟，非常惹味。
泰式鮮蝦炒金邊粉
泰式金邊粉炒到超香，吸收晒蝦肉嘅鮮味。酸酸甜甜非常開胃，如覺得太甜嘅朋友，可加青檸汁落粉內中和甜味。
菠蘿梳打 （少冰）
菠蘿梳打，超足及超重菠蘿味。 再加埋梳打水有汽泡好似飲緊菠蘿汽水咁。
蜂蜜龍眼蘆薈特飲 （少冰）
食咗咁多辣嘢熱氣嘢，當然要叫番杯龍眼蜜潤潤喉啦。 龍眼好新鮮清甜，再加上粒粒蘆薈，非常有咬口。
張貼
