投鮮食 (已結業)

星期日匆匆忙忙要去上堂，所以就買個外賣急急腳一路上一路食。經過呢間Air Fresh好似新開既，就係度買左兩個飯同一款小食，一杯檸檬蜜糖梳打。小食拼盤（原隻吉列炸帶子、原隻吉列炸蝦、蟹肉忌廉薯餅）（$35）炸完既帶子比較有咬口，炸蝦非常軟腍。而薯餅幾有驚喜，因為忌廉從內湧出。日式鰻魚飯($56)鰻魚幾大條，口感軟糯，醬汁重位，撈飯一流。有西蘭花、椰菜花、紅蘿蔔，感覺健康。雙重和牛飯（$53）雙重和牛就係牛柳粒加肥牛片，口感雖然偏韌，但牛味豐富，伴燒汁所以撈飯依然唔錯。一樣伴有蔬菜。檸檬蜜糖梳打（$32，跟餐減$10）來自蜜糖既自然甜味，加上檸檬既清爽，絕對係配合炸物既良伴。