明日花居酒屋 (已結業)

最近又喺櫻花盛開的季節，雖然暫時仲未去到日本，不過都可以喺香港感受到櫻花嘅風情。星期五晚上要食好啲補償自己，同朋友去咗旺角既居酒屋食櫻花料理，於粉紅櫻花環繞下進食，好有feel 。<櫻之宴 sakura > $468蟹肉蔬菜沙律蟹棒加上沙律菜嘅配搭，醬汁酸酸地，幾開胃。四點季節刺身刺身質素唔錯幾新鮮。明日花三色壽司三色壽司分別為拖羅蓉、海膽和三文魚籽，最喜歡拖羅蓉入口即溶。手卷手卷喺三文魚籽魷魚手卷，彈牙嘅魷魚切成一絲絲，味道鮮甜。燒物三款揀咗燒牛舌、蒲燒鰻魚和明太子燒雞翼。串燒即叫即燒，熱辣辣夠香口！牛舌以七味粉調味，厚度適中，燒得啱啱好， 唔會難咬亦都唔會太生。櫻花冷麵冷麵喺pink pink粉紅色，相當配合主題。湯底可因應客人需要加入生鵪鶉蛋、白蘿蔔蓉、wasabi以及蔥花，挺解膩。櫻花水信玄餅水信玄餅晶瑩剔透，內裏既櫻花漬清晰可見。淋上甘甜嘅黑糖漿，是個漂亮的結尾呢。餐廳依家做緊每滿$200即減$50嘅優惠（限期：4月1號-6月30號），有興趣嘅不妨去試下。