日本野 (已結業)

今日去開旺角同朋友行街，經過銀城廣場，見到樓上有間日本野，好耐都冇得去日本，食下啲日本嘢，回味下去日本嘅經歷。味增比目魚定食 $138比目魚都好香，多汁，份量都好大塊，攞嚟撈飯一流。蛋可以揀溏心蛋或者溫泉蛋，我就叫咗溏心蛋，蛋流心，幾香。鰻魚炒飯 $128鰻魚切粒然後炒飯，鰻魚唔會太腥，炒飯炒出嚟好香，炒飯嘅蛋味都好夠，炒飯唔會太鹹，幾好味。芝士年糕 $28芝士年糕唔會太油，芝士流心，年糕香脆。即制疏乎厘pancake配雪糕 $108即製疏乎厘有驚喜，疏乎厘嘅皮香脆，內裏流心，疏乎厘好香，配埋朱古力雪糕，真係幾好味。